8 მაისს, პარლამენტის რიგგარეშე პლენარული სხდომა გაიმართება. რიგგარეშე სხდომის მოწვევა ორი საკანონმდებლო ინიციატივის დამტკიცების გამო გადაწყდა.

8 მაისის სხდომაზე პარლამენტს დაგეგმილი აქვს „შრომის კოდექსში“ ცვლილებების პროექტის მესამე მოსმენით დამტკიცება, რომელიც თავის მხრივ, 12 მაისის სტატუსს განსაზღვრავს. კერძოდ, პროექტის თანახმად, 12 მაისი წმინდა ანდრია მოციქულის ხსენების დღის გარდა, ასევე იქნება ყოვლადწმინდა ღვთისმშობლისადმი საქართველოს წილხვდომილობის დღე.

8 მაისის სხდომაზე პარლამენტი ასევე მიიღებს “სახელმწიფო ინსპექტორის სამსახურის შესახებ“ კანონში ცვლილებებს, რომელიც კონკრეტულ ნორმათა თარიღის ცვლილებას ეხება. პროექტს ერთი მოსმენით განიხილავენ და დაამტკიცებენ.