დავით უსუფაშვილი -   მალხაზ მაჩალიკაშვილი არასწორად მოიქცა, როდესაც გამოკითხვაზე მისვლაზე  უარი თქვა

ჩემი აზრით, მალხაზ მაჩალიკაშვილი არასწორად მოიქცა, როდესაც გამოკითხვაზე მისვლაზე უარი თქვა. ასეთ შემთხვევაში, ხელისუფლებასთან, რაც არ უნდა კითხვები და პრობლემები გქონდეს, თანამშრომლობა სჯობია, -ამის შესახებ „ინტერპრესნიუსს“ „შენების მოძრაობის“ ლიდერმა დავით უსუფაშვილმა განუცხადა.

უსუფაშვილი გამოეხმაურა სუს-ის მიერ გავრცელებულ ინფორმაციას, რომლის თანახმად მალხაზ მაჩალიკაშვილს ტერორისტული აქტის ორგანიზების გზით რამდენიმე პირის მკვლელობა ჰქონდა განზრახული. დავით უსუფაშვილის თქმით, ობიექტური გამოძიებაა საჭირო.

„ასეთ საკითხებში, სწორედაც, სასამართლოს იმედი უნდა გვქონდეს, რომ სასამართლოში გაირკვევა მტყუნ-მართალი, თუნდაც ასეთ სერიოზულ საკითხებზე ჩვენს ვითარებაში სასამართლოსადმი ნდობის დეფიციტი, ზოგადად, დიდი პრობლემაა და ამიტომ ყველა თემის პოლიტიზირება ხდება. რაც შეეხება კონკრეტულად ამ ჩანაწერს, მასზე დაყრდნობით ვერაფერს გეტყვით. ბევრი ჩანაწერი მოვისმინეთ ბოლო წლების განმავლობაში, ზოგი დადასტურდა, ზოგი არ დადასტურდა, ამიტომ საჭიროა ობიექტური გამოძიება. ერთი, რაც ცალსახად შემიძლია ვთქვა, მე მგონი, მალხაზ მაჩალიკაშვილი არასწორად მოიქცა, როდესაც გამოკითხვაზე მისვლაზე უარი თქვა. ასეთ შემთხვევაში ხელისუფლებასთან, რაც არ უნდა კითხვები და პრობლემები გქონდეს, თანამშრომლობა სჯობია. ზოგადად, ხელისუფლებამ, თემირლან მაჩალიკაშვილის სიკვდილის გარემოებების ძიებისას ყველაფერი გააკეთა იმისთვის, რომ ნდობა დაბალი იყოს მის მიმართ, არამარტო მაჩალიკაშვილების ოჯახში, არამედ მოსახლეობის დიდ უმრავლესობაში. იმედი, მაქვს ახლა მაინც, თუ რამე საქმეს მოკიდეს ხელი, ეს იქნება უტყუარი მტკიცებულებებით გამაგრებული და საზოგადოებაში ნდობის მომპოვებელი. სხვა შემთხვევაში შესაძლოა, ვითარება კიდევ უფრო გართულდეს მაჩალიკაშვილების საქმესთან დაკავშირებითაც და არამხოლოდ“, - განაცხადა უსუფაშვილმა.

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 15.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება