ნინო ბურჯანაძემ შვეიცარიის ელჩს პარტიის სამომავლო გეგმები გააცნო

„დემოკრატიული მოძრაობის“ ლიდერი ნინო ბურჯანაძე შვეიცარიის კონფედერაციის საგანგებო და სრულუფლებიან ელჩს პატრიკ ფრანცენის შეხვდა. როგორც „ინტერპრესნიუსს“ პარტია „დემოკრატიული მოძრაობის“ პრესსამსახურმა აცნობა, ნინო ბურჯანაძემ ელჩთან შეხვედრაზე გაიხსენა, თუ რამდენად მნიშვნელოვანი იყო შვეიცარიის მხარდაჭერა საქართველოს დამოუკიდებლობის პირველ წლებში. მათი ინფორმაციით, შეხვედრაზე ხაზი გაესვა 2020 წლის არჩევნების სამართლიან და დემოკრატიულ გარემოში ჩატარების აუცილებლობას.

როგორც ნინო ბურჯანაძე განმარტავს, შვეიცარიის ელჩი საკმაოდ კარგად არის ინფორმირებული საქართველოში მიმდინარე პოლიტიკურ პროცესების შესახებ.

„საქართველოს შეუძლია ისეთივე წარმატებული და აყვავებული იყოს, როგორც შვეიცარიაა, ოღონდ მნიშვნელოვანია დემოკრატიული ინსტიტუტების მუშაობა, სამართლიანი არჩევნების ჩატარება და რეალური მრავალპარტიულობა ქვეყნის მართვაში,“ - აღნიშნა პატრიკ ფრანცენმა.

ნინო ბურჯანაძემ შვეიცარიის ელჩს პარტიის სამომავლო გეგმები გააცნო. როგორც პარტიის ლიდერი აცხადებს, მან პირადად დაპატიჟა პატრიკ ფრანცენი „დემოკრატიული მოძრაობა-ერთიანი საქართველოს“ ყრილობაზე, რომელიც უახლოეს პერიოდში არის დაგეგმილი.

„როგორც ნინო ბურჯანაძე განმარტავს, დიპლომატიური კორპუსის წარმომადგენლებთან მისი შეხვედრები კვლავ გაგრძელდება და ის თხოვნით მიმართავს ყველა ელჩს, რომ დაეხმარონ ოპოზიციურ პარტიებს, რათა გარკვეული ზეწოლა მოახდინონ ხელისუფლებაზე, რომ მან ვერ შეძლოს 2020 წლის არჩევნების გაყალბება.

ბურჯანაძის თქმით, ყველა ელჩი იზიარებს წუხილს გასული არჩევნების ლეგიტიმურობასა და დარღვევებთან დაკავშირებით. როგორც მან აღნიშნა, ყველა მათგანი ხაზგასმით აღნიშნავს, რომ 2020 წლის არჩევნებს ევროპა გამადიდებელი შუშით დააკვირდება“, - აღნიშნულია ინფორმაციაში.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო