მე ვუსმინე გავრცლებულ მასალას და მორის მაჩალიკაშვილის ხმა არ არის, - ამის შესახებ მალხაზ მაჩალიკაშვილის ძმის შვილის, მორის მაჩალიკაშვილის ნათესავმა მადინა ბაღაკაშვილმა განაცხადა.
მისი თქმით, სახელმწიფო უსაფრთხოების სამსახურის მხრიდან ცოტა ხნის წინ გავრცელებული ჩანაწერი დამონტაჟებულია და რაიმე დასკვნების გაკეთებამდე მისი ავთენტურობაა გამოსაკვლევი.
„ჰუსეინს(მორისი) კარგად ვიცნობ და არასდროს მიიღებდა მონაწილეობას მსგავსი რამის დაგეგმვაში. ჩანაწერსაც რამდენჯერმე ვუსმინე, მაგრამ შემიძლია გითხრათ, ეს მისი ხმა არ არის. დამონტაჟებულია. გაუჭირდებოდათ მონტაჟი თუ რა? ეს არის გამიზნული და მორიგი პროვოკაცია ჩვენი ოჯახის წინააღმდეგ“, - განაცხადა მადინა ბაღაკაშვილმა.
იხილეთ ვიდეო: მალხაზ მაჩალიკაშვილის ოჯახის წევრები სუს-ის ბრალდებებს უსაფუძვლოს უწოდებენ