მალხაზ მაჩალიკაშვილის ადვოკატი - მზად ვართ, მივიდეთ გამოკითხვაზე და  ყველა კითხვას გავცეთ პასუხი, მაგრამ მათი მიზანი არის მალხაზ მაჩალიკაშვილის დისკრედიტაცია

ჩვენ მზად ვართ, რომ მივიდეთ გამოკითხვაზე და იგივე იმ გასაიდუმლოებულ ნაწილში ყველა კითხვას გავცეთ პასუხი, მაგრამ მათი მიზანი არის მალხაზ მაჩალიკაშვილის დისკრედიტაცია, - ამის შესახებ მალხაზ მაჩალიკაშვილის ადვოკატმა მარიამ კუბლაშვილმა „პალიტრანიუსის“ გადაცემაში „360 გრადუსი“ სუს-ის მიერ გავრცელებულ ინფორმაციის კომენტირებისას განუცხადა. მისი თქმით, სახელმწიფო მალხაზ მაჩალიკაშვილის წინააღმდეგ უთანასწორო ბრძოლას ახორციელებს.

სუს-ის მიერ გავრცელებულ ინფორმაციას, რომ მალხაზ მაჩალიკაშვილს ტერორისტული აქტის ორგანიზების გზით, რამდენიმე პირის მკვლელობა ჰქონდა განზრახული, ადვოკატი მალხაზ მაჩალიკაშვილის დისკრედიტაციის მცდელობად აფასებს.

„მაშინ, როდესაც გამოძიებას საკმარისი მტკიცებულებები აქვს იმისთვის, რომ გონივრულ ეჭვს მიღმა სტანდარტით ქმედებაში გამოიკვეთოს დანაშაულის ნიშნები, ამ შემთხვევაში ჯერ ელოდებიან, როდის მოვა მოწმის სახით პირი და მისცემს ინფორმაციას. შემდგომ, თუ გამოიკვეთება დანაშაულის არსებობაზე ვარაუდი, იწყება უკვე მიმდინარე პროცესი და საქმე იგზავნება სასამართლოში. დღეს ეს დამოკიდებულება ხელისუფლების მხრიდან არის ძალიან უხეში და ხმამაღალი განცხადება, ეს არის არათანაბარი და არასწორი ბრძოლა. ჩვენ მზად ვართ, რომ მივიდეთ გამოკითხვაზე და იგივე იმ გასაიუდმლოებულ ნაწილში ყველა კითხვას გავცეთ პასუხი, მაგრამ მათი მიზანი არის მალხაზ მაჩალიკაშვილის დისკრედიტაცია. ვფიქრობ მალხაზ მაჩალიკაშვილს ამისათვის პასუხისმგებლობა არ დაეკისრება, რადგან არ არსებობს მტკიცებულბების სათანადო რაოდენობა, რომ ეს ქმედება დაკვალიფიცირდეს დანაშაულად,“ - განაცხადა კუბლაშვილმა.

იხილეთ ვიდეო

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 13.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება