აშშ-ის სახელმწიფო მდივანი მაიკ პომპეო მოულოდნელად ერაყს ეწვია. პომპეომ ბერლინში დაგეგმილი ვიზიტი გააუქმა და ერაყელ ლიდერებთან შესახვედრად ბაღდადში ჩაფრინდა.

აშშ-ის სახელმწიფო დეპარტამენტი პომპეოს ერაყში ვიზიტის შესახებ მხოლოდ მცირე ინფორმაციას ავრცელებს, თუმცა, როგორც ცნობილია, სახელმწიფო მდივანი უკვე შეხვდა ერაყის პრემიერ-მინისტრ ადილ აბდულ მაჰდის. შეხვედრის შემდეგ ჟურნალისტებთან საუბრისას მაიკ პომპეომ აღნიშნა, რომ მისი ვიზიტი ირანთან ბოლო დროის ურთიერთობის ესკალაციას უკავშირდება.

როგორც პომპეომ განაცხადა, აშშ-ის სურს ერაყი ნაკლებად დამოკიდებული ქვეყანა გახდეს ირანთან ენერგოშეთანხმებებზე.

შეგახსენებთ, პომპეოს ვიზიტამდე რამდენიმე დღით ადრე რეგიონში აშშ-მა ავიამზიდები განალაგა. ამასთან, ცნობილი გახდა, რომ ვაშინგტონი რეგიონში ბომბდამშენებსაც გზავნის. ამის მიზეზად კი ირანიდან აშშ-ისა და მისი მოკავშირეების მიმართ მომავალი საფრთხეები დაასახელეს.