გარემოს ეროვნული სააგენტოს უფროსი „ილიას ბაღში“ ახლად დამონტაჟებული ატმოსფერული ჰაერის ავტომატური სადგურის სამუშაო პროცესს ადგილზე გაეცნო

გარემოს დაცვისა და სოფლის მეურნეობის სამინისტროს გარემოს ეროვნული სააგენტოს უფროსი ანდრო ასლანიშვილი სააგენტოს სპეციალისტებთან ერთად „ილიას ბაღში“ ახლად დამონტაჟებული ატმოსფერული ჰაერის ავტომატური სადგურის სამუშაო პროცესს ადგილზე გაეცნო.

როგორც „ინტერპრესნიუსს“ გარემოს ეროვნული სააგენტოდან აცნობეს, თბილისში, დავით აღმაშენებლის გამზირზე რიგით მე-5 ატმოსფერული ჰაერის მონიტორინგის ავტომატური სადგური გაიხსნა. აღნიშნული სადგური გარემოს ეროვნულ სააგენტოს შესაძლებლობას მისცემს მიიღოს სრულყოფილი მონაცემები 24 საათის განმავლობაში ატმოსფერული ჰაერის ხარისხის მდგომარეობის შესახებ.

მათივე ინფორმაციით, მონიტორინგის შედეგად ატმოსფერულ ჰაერში განისაზღვრება ნახშირჟანგის (CO), აზოტის ოქსიდების (NOx, NO, NO2), გოგირდის დიოქსიდის (SO2), მიწისპირა ოზონისა (O3) და მყარი ნაწილაკების (PM10,PM2.5) შემცველობა.

„დავით აღმაშენებლის გამზირზე განთავსებული სადგურიდან მიღებული მონაცემები განთავსებულია ატმოსფერული ჰაერის ხარისხის პორტალზე www.air.gov.ge“, - აღნიშნულია სააგენტოს მიერ გავრცელებულ ინფორმაციაში.

იხილეთ ვიდეო: გარემოს ეროვნული სააგენტოს უფროსი "ილიას ბაღში" ატმოსფერული ჰაერის ავტომატური სადგურის სამუშაო პროცესს ადგილზე გაეცნო

დიმიტრი ცქიტიშვილი - არ მინდა დავიჯერო, რომ „ქართულ ოცნებას“ იგივე დაემართა, რაც „ნაციონალურ მოძრაობას“
ქართული პრესის მიმოხილვა 10.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი