კახა კალაძე - მომავალი წლისთვის უკვე დაგეგმილია 200 ავტობუსის შემოყვანა, აქედან 100 იქნება ელექტრო

მომავლი წლისთვის უკვე დაგეგმილია დამატებით 200 ერთეული 12-მეტრიანი ავტობუსის შემოყვანა,- ამის შესახებ თბილისის მერმა კახა კალაძემ პირველი რესპუბლიკის მოედანზე, MAN-ის ფირმის ახალ 10-მეტრიან ავტობუსების წარდგენისას განაცხადა.

დედაქალაქის მერმა აღნიშნა, რომ მომავალ წელს დედაქალაქში 100 ელექტროავტობუსი შემოვა.

„100 იქნება გაზზე მომუშავე, ხოლო 100 იქნება ელექტრო. ეს არის სიახლე და ზოგადად აქ მიდის ევროპული ქვეყნები და ჩვენც, რა თქმა უნდა, არ ჩამოვუვარდებით ამ ყველაფერს,“-განაცხადა კახა კალაძემ.

მისივე თქმით, უკვე დასრულდა ტენდერი და გაფორმდა ხელშეკრულება წლის ბოლომდე დედაქალაქში 220 ავტობუსის შემოყვანაზე.

„220 ერთეულ ავტობუსზე, რომელზეც ტენდერი გვქონდა გამოცხადებული უკვე გვყავს გამარჯვებული კომპანია. გაფორმებულია ხელშეკრულება. მხედველობაში მაქვს ISUZU-ს ფირმის 8-მეტრიანი ავტობუსები, რომელიც წლის ბოლომდე შემოვა ქალაქში. ამით ჩვენ მთლიანად შევძლებთ არსებული ყვითელი ავტობუსების პარკის ჩანაცვლებას,“-განაცხადა კახა კალაძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ