თავდაცვისა და უშიშროების კომიტეტის წევრები საზღვაო ოპერაციების ერთობლივი მართვის ცენტრს სტუმრობდნენ

საზედამხედველო საქმიანობის ფარგლებში, პარლამენტის თავდაცვისა და უშიშროების კომიტეტის წევრები სუფსაში განთავსებული საზღვაო ოპერაციების ერთობლივი მართვის ცენტრს (JMOC) სტუმრობდნენ და მის საქმიანობას გაეცნენ.

როგორც „ინტერპრესნიუსს“ საქართველოს პარლამენტიდან აცნობეს, შინაგან საქმეთა სამინისტროს სასაზღვრო პოლიციის დეპარტამენტის უფროსმა, თემურ კეკელიძემ და სანაპირო დაცვის დეპარტამენტის დირექტორმა, თემურ კვანტალიანმა დეპუტატებს მართვის ცენტრის ძირითადი საქმიანობა და ცენტრის ფუნქციები გააცნეს. აღინიშნა, რომ ერთობლივი მართვის ცენტრი, სახელმწიფოს სხვადასხვა უწყებების, კერძოდ შინაგან საქმეთა, თავდაცვის, საგარეო საქმეთა, ფინანსთა, ეკონომიკისა და მდგრადი განვითარების, გარემოს დაცვისა და ბუნებრივი რესურსების სამინისტროების, საპატრულო პოლიციის დეპარტამენტის, სახელმწიფო უსაფრთხოების სამსახურის და დაზვერვის სამსახურის წარმომადგენლების მონაწილეობით, საქართველოს საზღვაო სივრცეში სასაზღვრო– საზღვაო პოლიტიკის გატარებას, დადგენილი სამართლებრივი რეჟიმის შესრულებაზე კონტროლს და საერთაშორისო სამართლის ნორმებით დადგენილი ზომების მიღებას უზრუნველყოფს. დეპუტატები საქართველოს საზღვაო სივრცის დარღვევის შემთხვევებზე და მათზე რეაგირების მექანიზმებით დაინტერესდნენ და კონკრეტული ფაქტები განიხილეს. შეხვედრაზე მხარეებმა, ნატო-საქართველოს არსებითი პაკეტის ფარგლებში, ცენტრის როლსა და დანიშნულებაზე ისაუბრეს.

„საზედამხედველო ფუნქციების განხორციელების ფარგლებში, საზღვაო ოპერაციების ერთობლივი მართვის ცენტრი მოვინახულეთ. შთამბეჭდავია ის რეფორმა, რომელიც 2013 წელს შინაგან საქმეთა სამინისტრომ დაიწყო და დღეს შეგვიძლია აღვნიშნოთ, რომ ცენტრი სრულად აკონტროლებს ჩვენ საზღვაო აკვატორიას და ყველა ის ფუნქცია, რაც უკავშირდება როგორც ეკონომიკურ, ასევე უსაფრთხოების და თავდაცვის საკითხებს, თავმოყრილია ამ ცენტრში. კომიტეტი მიესალმება იმ რეფორმებს და შედეგებს რაც ერთობლივი ცენტრის ფარგლებშია მიღწეული“, - აღნიშნა კომიტეტის თავმჯდომარემ, ირაკლი სესიაშვილმა.

მანვე საქართველოს პარტნიორ ქვეყანას - ამერიკის შეერთებულ შტატებს მადლობა გადაუხადა ცენტრის შექმნის პროცესში გაწეული მხარდაჭერისა და დახმარებისთვის, მადლობა გადაუხადა.

საზღვაო ოპერაციების ერთობლივი მართვის ცენტრის საქმიანობა კომიტეტის თავმჯდომარის მოადგილემ, კობა კობალაძემ შეაფასა და აღნიშნა, რომ ცენტრში მომზადებული და კომპეტენტური შემადგენლობა პროფესიულად ახორციელებს თავის საქმიანობას.

„შეხვედრაზე სხვადასხვა ხედვები განვიხილეთ, მათ შორის ის ამოცანები და გამოწვევები, რომლებიც დგას ჩვენი სახელმწიფოს წინაშე.

ნიშანდობლივია და აღსანიშნავია, რომ საინფორმაციო უზრუნველყოფის სეგმენტში ცენტრს აქტიური კომუნიკაცია აქვს ჩვენი პარტნიორი ქვეყნების ანალოგიურ ცენტრებთან და ინფორმაციის მიმოცვლა ოპერატიულად მიმდინარეობს“, - განაცხადა კობა კობალაძემ.

„შავი ზღვის სანაპიროზე ვიზიტის ფარგლებში, კომიტეტის წევრები ფოთში, ყოველწლიურ საჩვენებელ საწვრთნელ სწავლებას დაესწრნენ, სადაც აბორდაჟის ჯგუფმა ტერორისტებისგან საცურაო საშუალების გათავისუფლების ოპერაცია განახორციელეს. იმიტირებული სპეცოპერაციის შესრულება კომიტეტმა დადებითად შეაფასა“, - აღნიშნულია საქართველოს პარლამენტის მიერ გავრცელებულ ინფორმაციაში.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 13.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
ქართული USB კაბელი ტენე, მალე მეორადი ნარჩენებისგან დამზადდება
მედიკამენტებით უზრუნველყოფის გაუმჯობესების პროგრამის ფარგლებში PSP თურქეთის წამყვანი ფარმაცევტული კომპანიის „აბდი იბრაჰიმის“ ხელმძღვანელობას შეხვდა
ახალი წლიდან სილქნეტის ოპტიკურ ქსელში სატელევიზიო პაკეტები იცვლება
„ავერსში“ ლარის კურსის გამყარებასთან დაკავშირებით მედიკამენტებზე ფასების გაიაფება დაიწყო
2021 წლიდან, ყულევში თანამედროვე ტექნოლოგიების შესაბამისი ნავთობგადამამუშავებელი ქარხნის მშენებლობა იგეგმება