ირაკლი პეტრიაშვილმა შრომის საერთაშორისო ორგანიზაციის ექსკლუზიური ჯილდო მიიღო

საქართველოში ოფიციალური ვიზიტით მყოფმა შრომის საერთაშორისო ორგანიზაციის (ILO-ACTRAV) მშრომელთა აქტივობების ბიუროს დირექტორმა, მარია ჰელენა ანდრემ ირაკლი პეტრიაშვილი სპეციალური სერტიფიკატით დააჯილდოვა.

როგორც „ინტერპრესნიუსს“ საქართველოს პროფესიული კავშირების გაერთიანებიდან აცნობეს, სერტიფიკატი საქართველოს პროფკავშირების თავმჯდომარეს ღირსეული შრომის პრინციპების დანერგვის საქმეში შეტანილი წვლილისთვის მიენიჭა.

მათივე ინფორმაციით, ასეთი ავტორიტეტული ორგანიზაციის ჯილდოს განსაკუთრებული მნიშვნელობა აქვს. აღსანიშნავია, რომ შრომის საერთაშორისო ორგანიზაცია (შსო - ILO) გაეროს უმსხვილესი ბიუროა, თუმცა გაეროზე მეტი ხნისაა და წელს მისი 100 წლის იუბილე აღინიშნება. სწორედ ეს ორგანიზაციაა მსოფლიოში სოციალურ სამართლიანობისა და ღირსეული შრომის მაღალი სტანდარტების დამდგენი და მთავარი შემფასებელი.

„ირაკლი პეტრიაშვილს ექსკლუზიური ჯილდო „ღირსეული შრომის პრინციპების დანერგვის საკითხში პირადი ღვაწლისა და აქტიური თანამშრომლობისთვის“ მიენიჭა. მსოფლიო პროფკავშირულ საქმიანობაში შეტანილი წვლილისათვის გადაეცა სპეციალური სერტფიკატი საქართველოს პროფკავშირების გაერთიანებასაც“, - ნათქვამია აღნიშნულ ინფორმაციაში.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება