საფრანგეთში საჰაერო კონტროლის თანამშრომლები გაიფიცნენ, რის გამოც ევროპის მასშტაბით ავიარეისების განხორციელებას შეფერხება ემუქრება.
როგორც „ევრონიუსი“ წერს, გაფიცვა ოთხშაბათს და ხუთშაბათს დაგეგმილ რეისებზე აისახება. ავიაკომპანიებს ცალკეული აეროპორტებიდან ფრენების შემცირებისკენ მოუწოდეს. დისპეტჩერების გაფიცვა საფრანგეთში საჯარო მოხელეების ეროვნული გაფიცვის ნაწილია. ისინი სამუშაო პირობების ცვლილებასთან დაკავშირებით პრეზიდენტ ემანუელ მაკრონის გეგმებს აპროტესტებენ.
როგორც ცნობილია, გაფიცვის გამო „ბრითიშ ეარვეისმა“, „რაინეარმა“ და „იზიჯეტმა“ ავიარეისების ნაწილი უკვე გააუქმა.