ფინანსთა მინისტრის მოადგილის გიორგი კაკაურიძის განცხადებით, დაგეგმილი ბიუჯეტის მაჩვენებლები პირველ კვარტალში ფაქტობრივად სრულადაა შესრულებული.
კაკაურიძემ 2019 წლის სახელმწიფო ბიუჯეტის შესრულების სამი თვის ანგარიში პარლამენტის თავდაცვისა და უშიშროების კომიტეტის წევრებს გააცნო.
მისი თქმით, პირველ კვარტალში რეალურმა ეკონომიკურმა ზრდამ 4,7% შეადგინა, მაშინ როდესაც 2019 წლის ბიუჯეტი დაგეგმილია 4,5%-ის ზრდის ფარგლებში.
როგორც ფინანსთა მინისტრის მოადგილემ აღნიშნა, სამ თვეში 2019 წლის ბიუჯეტის შემოსავალმა 2 მილიარდ 580 მილიონი, ხარჯმა კი 2 მილიარდ 818 მილიონ ლარს შეადგინა. შესაბამისად, 2019 წლის იანვარ-მარტის სახელმწიფო ბიუჯეტის შემოსავლების შესრულების მაჩვენებელმა 104,8%-ს მიაღწია, ხარჯვითი ნაწილი კი - გეგმური მაჩვენებლის 95.6%-ია.