აშშ-ის სახელმწიფო მდივანი მაიკ პომპეო 14 მაისს რუსეთის საგარეო საქმეთა მინისტრს სერგეი ლავროვს შეხვდება. შეხვედრა რუსეთის ქალაქ სოჭში გაიმართება. ამის შესახებ რუსული საინფორმაციო სააგენტო სამთავრობო წყაროზე დაყრდნობით იუწყება.
როგორც „რია ნოვოსტი“ წერს, პომპეო და ლავროვი ვენესუელაში შექმნილ პოლიტიკურ კრიზისსა და ჩრდილოეთ კორეის ბირთვულ პროგრამაზე იმსჯელებენ. შეეხებიან თუ არა ისინი სხვა ისეთი მნიშვნელობის საკითხებს, როგორიცაა სირიასა და უკრაინაში არსებული ვითარება, ჯერ უცნობია.
შეგახსენებთ, რუსეთი ვენესუელის პრეზიდენტ ნიკოლას მადუროს უჭერს მხარს, მაშინ როდესაც ვაშინგტონი ოპოზიციის ლიდერ ხუან გუაიდოს ვენესუელის დროებით პრეზიდენტად აღიარებს.
იხილეთ ვიდეო: მაიკ პომპეო რუსეთის საგარეო საქმეთა მინისტრს სერგეი ლავროვს შეხვდება