კონკურსზე „გახდი ბესტსელერის ავტორი 2019“ ხმის მიცემა დაიწყო

სახალხო და მასშტაბურ კონკურსზე „გახდი ბესტსელერის ავტორი 2019“ ხმის მიცემა დაიწყო. როგორც „ინტერპრესნიუსს“ კონკურსის ორგანიზატორებმა აცნობეს, ნაწარმოებების მიღების პროცესი, რომელიც 1 აპრილიდან მიმდინარეობდა, შეწყდა. მათივე ინფორმაციით, ახლა უკვე მკი­თხველს ეძ­ლე­ვა შესაძლებლობა, გა­ეც­ნოს პირველ ეტაპზე გასულ, გამომცემლობა „პალიტრა L-ის“ სარედაქციო ჯგუფის მიერ შერჩეულ ნაშრომებს და უგულ­შემატ­კივ­როს სა­კუ­თარ რჩე­ულს.

კონკურსანტთა ნაშრომების ნახვა და ხმის მიცემა შესაძლებელია „პალიტრა L-ის“ ლიტერატურული კონკურსის ვებგვერდზე: https://www.palitral.ge/konkursi.html

ვებგვერდზე ხმის მიცემა ორივე ტურში ხორციელდება მობილური ტელეფონის ნომრის მეშვეობით.

ხმის მისაცემად მომხმარებელმა შესაბამის ველში უნდა შეიყვანოს თავისი ტელეფონის ნომერი და დააჭიროს ღილაკს - “SMS კოდის მიღება”. ამის შემდეგ მომხმარებელი მიიღებს SMS კოდს, რომელსაც ხმის მიცემისთვის ჩაწერს ველში - „SMS კოდი“.

ტელეფონის ერთი ნომრიდან შესაძლებელია ერთ ნაწარმოებს მისცეთ ხმა მხოლოდ ერთხელ, კონკურსის თითოეულ ტურში.

ხმის მიცემის პროცედურა უფასოა.

I ტურის შედეგად, გამოვლინდება მაქსიმუმ 20 კონკურსანტი, რომელთაგან 10, მიღებული ხმების რაოდენობით, მკითხველის რჩეული გახდება, 10-ს კი კონკურსის ჟიური გამოავლენს.

ხმის მიცემა შესაძლებელია 7 ივნისის ჩათვლით.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა