მალხაზ მაჩალიკაშვილი - სუს-მა დიდი შეცდომა დაუშვა

ბოლო ორი დღეა საზოგადოების მხრიდან ვგრძნობ ძალიან დიდ თანადგომას და ეს განაპირობა იმ ძალიან დიდმა შეცდომამ, რომელიც სახელმწიფო უსაფრთხოების სამსახურმა დაუშვა, - ამის შესახებ ჟურნალისტებს მალხაზ მაჩალიკაშვილმა პარლამენტის შენობის წინ განუცხადა.

მალხაზ მაჩალიკაშვილმა კიდევ ერთხელ აღნიშნა, რომ ბრალდებას რომელიც მას სუსი უყენებს, აბსურდულია და მიზნად ისახავს, მის წინააღმდეგ საზოგადოების მხრიდან აგრესიის გაღვივებასა და დისკრედიტაციას.

მალხაზ მაჩალიკაშვილის განცხადებით, ამ გზით ხელისუფლება ცდილობს შეაჩეროს ის პროტესტი, რომელიც უკვე ერთი წელია უწყვეტ რეჟიმში გრძელდება. მისი თქმით, ეს ჩანაფიქრი ხელისუფლებას არ გამოუვა, რადგან მოვლენათა ნებისმიერი სცენარით განვითარების შემთხვევაში, პროტესტს სხვა ადამიანები გააგრძელებენ, რათა დაისაჯონ თემირლან მაჩალიკაშვილის მკვლელები.

„სახელმწიფო უსაფრთხოების სამსახურმა ძალიან დიდი შეცდომა დაუშვა ჩემთან მიმართებაში. ეს არ ყოფილა პირველი შეცდომა და ისინი შეცდომას ყოველთვის შეცდომას უმატებდნენ. თუმცა მას შემდეგ, რაც სუს-ში ბრიფინგი გაიმართდა და კიდევ დამადანაშაულეს და ხალხმა ნახა ის პროცესი, რომელიც განვითარდა. გაიზარდა ხალხის მხრიდან თანაგრძნობა და ამას ბოლო ორი დღეა ვგრძნობ. აქ მოდიან ადამიანები, მწერენ ტელეფონზე და მირეკავენ“, - აღნიშნა მალხაზ მაჩალიკაშვილმა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)