“ჯორჯიან უოთერ ენდ ფაურმა” კანდელაკის ქუჩაზე 3 კმ სიგრძის მაგისტრალური წყალსადენი სრულად განაახლა. წყალმომარაგების სტაბილურობის მიზნით, ახალ სისტემაზე თანამედროვე სტანდარტის ინფრასტრუქტურული ელემენტები დაამონტაჟა. აღნიშნულ ინფორმაციას GWP ავრცელებს.
კომპანია ახალ ქსელზე გადაერთების სამუშაოებს ხვალ, 10 მაისს განახორციელებს.
აღნიშნულთან დაკავშირებით, რამდენიმე საათის განმავლობაში, მაგისტრალური ქსელის წყლისგან დაცლაა აუცილებელი, რის გამოც ხვალ, 10 მაისს დილის 10:00 საათიდან 11 მაისის დილის 10:00 საათამდე წყალმომარაგება შეეზღუდება: კანდელაკის და ბუდაპეშტის ქუჩების ნაწილს, ასათიანის და მიმდებარე ქუჩებს, ალ.ყაზბეგის და ვაჟა-ფშაველას გამზირის ნაწილს.
სამუშაოების მიმდინარეობისას კომპანია მოსახლეობას წყალს ცისტერნებით მიაწვდის.
წყალმომარაგების შეზღუდვისა და აღდგენის შესახებ ინფორმაციას, “ჯორჯიან უოთერ ენდ ფაუერი” აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge”, - ნათქვამია კომპანიის მიერ გავრცელებულ ინფორმაციაში.