ვენესუელას პარლამენტის ვიცე-სპიკერი დააკავეს

ვენესუელის ოპოზიციის ლიდერის ხუან გუაიდოს მოადგილე დააკავეს. „ბიბისის“ ცნობით, ედგარ ზამბრანო ქვეყნის დაზვერვის სამსახურმა აიყვანა.

ზამბრანო ეროვნული ასამბლეის ვიცე-პრეზიდენტია. როდესაც მას ძალოვანი უწყების წარმომადგენლები მიუახლოვდნენ, მან უარი განაცხადა ავტომობილიდან გადასვლაზე, შედეგად საპყრობილემდე იგი თავის მანქანასთან ერთად ბუქსირით გადაიყვანეს.

როგორც თვითმხილველი „დემოკრატიული აქტივობის პარტიის“ ლიდერი კარლოს პროსპერი აცხადებს, იგი ზამბრანოსთან ერთად კარაკასში შეხვედრაზე იმყოფებოდა, მისი თქმით, სავარაუდოდ, პარლამენტის ვიცე-სპიკერი დედაქალაქის ცენტრში მდებარე ციხეში გადაიყვანეს.

„ჩვენ არ ვიცით არაფერი მისი ფიზიკური მდგომარეობის შესახებ, არც ის ვიცით რა ხდება მის თავს ამჟამად“, - განაცხადა პროსპერიმ.

თავად ოპოზიციის ლიდერი ხუან გუაიდო მომხდარს „ტვიტერის“ გვერდზე გამოეხმაურა და მას აბსურდი უწოდა.

შეგახსენებთ, ზამბრანო მას შემდეგ დააკავეს, რაც უზენაესმა სასამართლომ ზამბრანო და ეროვნული ასამბლეის ექვსი დეპუტატი ქვეყნის ღალატში დაადანაშაულა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)