მამუკა ბახტაძე სამთავრობო ცვლილებებსა და პრემიერად გიორგი გახარიას დანიშვნის შესახებ კითხვაზე - რაც მთავრობაში ვარ, მას შემდეგ მესმის მსგავსი ჭორები

რაც მე მთავრობაში ვარ, იმის შემდეგ მესმის მსგავსი ჭორები,- ასე უპასუხა მამუკა ბახტაძემ ჟურნალისტების კითხვას, იგეგმება თუ არა სამთავრობო ცვლილებები და მათ შორის პრემიერ-მინისტრად გიორგი გახარიას დანიშვნა.

მამუკა ბახტაძემ აღნიშნა, რომ ამაზე სერიოზულ კომენტარს ვერ გააკეთებს. ამასთან, პრემიერმა უახლოეს მომავალში სამთავრობო ცვლილებები გამორიცხა.

"რაც მე მთავრობაში ვარ, იმის შემდეგ მესმის მსგავსი ჭორები და სერიოზულ კომენტარს ასეთ საკითხებზე ვერ გავაკეთებ. მე არაერთხელ განვაცხადე, თუ რითი ვხელმძღვანელობთ ჩვენ, როდესაც მთავრობის ესა თუ ის წევრი იცვლება. ჩვენ ვართ ერთი პოლიტიკური გუნდი, წარდგენილი გვაქვს ერთიანი სამთავრობო გეგმა, რომელსაც სჭირდება შესრულება და კონკრეტული შედეგების მიტანა ჩვენს მოქალაქეებამდე. ამოცანები არის საკმაოდ რთული. ეს მოითხოვს ძალიან მაღალი ხარისხის მენეჯმენტს, გუნდურ სულისკვეთებას და ჩვენ ეს გვაქვს. აქედან გამომდინარე, თუ მსგავსი სამთავრობო ცვლილება დაიგეგმება, თქვენ იქნებით პირველი, ვინც ამის შესახებ შეიტყობთ. ამ ეტაპზე მე გიდასტურებთ, რომ აქ მსგავსი არაფერი იგეგმება,"- განაცხადა ბახტაძემ.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა