გივი მიქანაძე ბათუმის უნივერსიტეტის სტუდენტებს შეხვდა

საქართველოს პარლამენტის აპარატის უფროსმა, გივი მიქანაძემ ბათუმის შოთა რუსთაველის სახელმწიფო უნივერსიტეტის სტუდენტებისთვის საჯარო ლექცია გამართა.

როგორც „ინტერპრესნიუსს“ პარლამენტის პრესსამსახურიდან აცნობეს, გივი მიქანაძე ბაკალავრიატისა და მაგისტრატურის სხვადასხვა მიმართულების სტუდენტებს იმ საკანონმდებლო ცვლილებებზე ესაუბრა, რომლებიც კონსტიტუციისა და რეგლამენტის ახალი რედაქციის ფარგლებში განხორციელდა და დაინერგა.

საკანონმდებლო ორგანოს აპარატის ხელმძღვანელმა განსაკუთრებული ყურადღება გაამახვილა პარლამენტის აპარატში მიმდინარე და დაგეგმილი რეფორმირების პროცესზე და პარლამენტის კვლევითი და სასწავლო ცენტრების გაძლიერების მიმართულებით განსახორციელებელ ღონისძიებებზე.

პარლამენტის პრესსამსახურის ინფორმაციით, გივი მიქანაძემ სტუდენტებთან შეხვედრისას ახალგაზრდებისთვის საინტერესო საკითხზე - სტაჟირების განახლებულ მოდელსა და თეორიული და პრაქტიკული სწავლების პროცესის მნიშვნელობაზე ისაუბრა. მან ყურადღება გაამახვილა ყველა იმ ეტაპზე, რომელთა გავლაც უწევთ სტაჟიორებს იმისთვის, რომ თავიანთი ცოდნა და უნარები აიმაღლონ.

„პარლამენტის აპარატის უფროსი სტუდენტებს იმ შესაძლებლობებზე ესაუბრა, რომლებსაც საკანონმდებლო ორგანოში სტაჟირების პროგრამა სთავაზობს ახალგაზრდებს. მათ ასევე მიეწოდათ ინფორმაცია პრაქტიკისა და სამომავლოდ დაგეგმილი კლინიკების შექმნის შესახებ, რომელიც ახლად ჩამოყალიბებული კვლევითი ცენტრის ფარგლებში უნდა განხორციელდეს.

გივი მიქანაძის თქმით, დედაქალაქს გარეთ მდებარე უმაღლესი სასწავლებლების სტუდენტებისთვის სტაჟირების პროგრამებში მონაწილეობის მისაღებად მაქსიმალური ხელშეწყობა იქნება.

„სწორედ ამ მიზნით, პარლამენტში დამუშავების სტადიაშია დისტანციური სტაჟირების კონცეფცია, რომლის განხორციელებაც 2020 წლიდან იგეგმება“, - განაცხადა პარლამენტის აპარატის უფროსმა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)