დავით ბაქრაძე სუს-ის ინფორმაციაზე - თუ ასეთი მძიმე უბედურება აიცილა თავიდან სახელმწიფომ, მაშინ რატომ არ დგამს შესაბამის ნაბიჯებს?

თუ ასეთი მძიმე უბედურება აიცილა თავიდან სახელმწიფომ, მაშინ რატომ არ დგამს შესაბამის ნაბიჯებს? - ასე გამოეხმაურა ფრაქცია ევროპული საქართველოს" ლიდერი დავით ბაქრაძე სუს-ის მიერ გამოქვეყნებულ აუდიოჩანაწერს.

დავით ბაქრაძის თქმით, რაც არ უნდა ჩაიდინოს მალხაზ მაჩალიკაშვილმა, ეს არ ამართლებს სახელმწიფოს იმ სპეცოპერაციის წინაშე, რომელსაც მისი შვილის დაღუპვა მოყვა.

ფრაქცია "ევროპული საქართველოს" ლიდერი ხელისუფლებას რეაგირებისა და სამართლიანობისკენ მოუწოდებს.

„რა თქმა უნდა, ცალსახად მინდა აღვნიშნო, რომ ტერორიზმი და ადამიანების ლიკვიდაცია-მკვლელობა ეს არის უმძიმესი დანაშაული, რომელზეც სახელმწიფომ და ხელისუფლებამ უნდა გადადგეს შესაბამისი ნაბიჯები, მაგრამ ცალსახად მინდა აღვნიშნო, რაც არ უნდა ჩაიდინოს ვახა მაჩალიკაშვილმა, ეს არ ამართლებს სახელმწიფოს იმ სპეცოპერაციის წინაშე, რომელსაც მოყვა მისი შვილის დაღუპვა. აუცილებელია ჩატარდეს სრულფასოვანი გამოძიება და პასუხი გაეცეს იმას თუ რა მოხდა პანკისში. რა თქმა უნდა, სრულიად ბუნებრივ კითხვებს აჩენს, თუ ასეთი მძიმე უბედურება აიცილა თავიდან სახელმწიფომ, მაშინ რატომ არ დგამს შესაბამის ნაბიჯებს? ამ საქმეში ბევრი კითხვის ნიშანია და ვფიქრობ, ხელისუფლებას მოუწევს ამ საქმეში ძალიან ყურადღებით და ფრთხილად მოქცევა იმისათვის, რომ დაარწმუნოს საზოგადოება, რომ ის მოქმედებს სამართლიანად და კანონის შესაბამისად", - განაცხადა დავით ბაქრაძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ