დედაქალაქის მერმა მეორე მსოფლიო ომში დაღუპულების ხსოვნას პატივი მიაგო და ვაკის პარკში უცნობი ჯარისკაცის საფლავი ყვავილების გვირგვინით შეამკო. კახა კალაძემ ომის ვეტერანებს ფაშიზმზე გამარჯვების დღე მიულოცა და მათ დიდხანს სიცოცხლე უსურვა.

„მინდა მოგილოცოთ ფაშიზმზე გამარჯვების დღე, განსაკუთრებით მინდა მივულოცო ჩვენს ომის ვეტერანებს, რომლებმაც თავიანთი გმირობის და თავგანწირვის ფასად მეორე მსოფლიო ომის დროს კაცობრიობა იხსნეს ფაშიზმისგან. 74 წელი გავიდა მას შემდეგ და სამწუხარო ის არის, რომ ყოველწლიურად ჩვენი ვეტერანები გვაკლდებიან. მე მინდა, მათ პირველ რიგში, ჯანმრთელობა, დიდხანს სიცოცხლე და სიძლიერე ვუსურვო. კიდევ ერთხელ გილოცავთ დღევანდელ დღეს“, - განაცხადა კალძემ.