აშშ-ის პოლიციამ ამერიკა-მექსიკის საზღვრის არალეგალურად გადაკვეთის გამო, მხოლოდ აპრილის თვეში 99 000 ადამიანი დააკავა. აღნიშნული მაჩვენებელი 2007 წლის შემდეგ ყველაზე მაღალია. ამის შესახებ ამერიკის მთავრობაში აცხადებენ.
მიგრანტების რიცხვის ზრდა სამხრეთ საზღვარზე ბოლო რამდენიმე თვეა განსაკუთრებით შეინიშნება. მიგრანტთა შორის მცირეწლოვნებიც არიან. მათი რაოდენობა უფრო მეტია, ვიდრე ზრდასრულების. ცენტრალური ამერიკის ქვეყნებიდან წასული მიგრანტები აშშ-ში გადასვლას ოჯახებით ცდილობენ. ისინი ამერიკაში თავშესაფარს ითხოვენ, ვინაიდან აცხადებენ, რომ მათ სამშობლოში ძალადობა და გასამართლება ემუქრებათ.