ჩრდილოეთ კორეამ ორი მოკლე რადიუსზე მოქმედი რაკეტა გაუშვა, - ამის შესახებ სამხრეთ კორეის სამხედრო სამსახური იტყობინება.
გავრცელებული ცნობით, რაკეტები ფხენიანის ჩრდილოეთით მდებარე ლოკაციიდან აღმოსავლეთის მიმართულებით გაუშვეს. ერთმა 420 კილომეტრის მანძილი დაფარა, მეორემ კი 270კმ.
ფხენიანმა რამდენიმე მოკლე რადიუსზე მოქმედი რაკეტა გასულ კვირასაც გამოსცადა.
შეგახსენებთ, ჩრდილოეთ კორეასა და აშშ-ის შორის კორეის ნახევარკუნძულის ბირთვული განიარაღების შესახებ თებერვლის მოლაპარაკებები ჩაიშალა. დღევანდელი შემთხვევა კი სამხრეთ კორეაში ჩრდილოეთ კორეის საკითებში აშშ-ის წარმომადგენლის ვიზიტის პარალელურად მოხდა. დიპლომატის ვიზიტის მიზანს ბირთვული მოლაპარაკებების ჩიხიდან გამოყვანის გზებზე მსჯელობა წარმოადგენს.