თუ მალხაზ მაჩალიკაშვილს დააკავებენ, ამ კარვებს დაიკავებს ჩვენი პარტია, - ამის შესახებ ჟურნალისტებს პარტია „კანონი და სამართალის“ ერთ-ერთმა დამფუძნებელმა, თაკო ჩარკვიანმა განუცხადა.
თაკო ჩარკვიანი, მიხეილ რამიშვილი და ირაკლი ღლონტი ამ წუთებში მალხაზ მაჩალიკაშვილთან მართავენ კონსულტაციებს. შეხვედრის დაწყებამდე, თაკო ჩარკვიანმა ასევე აღნიშნა, რომ ისინი მზად არიან, საჭიროების შემთხვევაში, მალხაზ მაჩალიკაშვილს იურიდიული დახმარებაც გაუწიონ.
„თუ მალხაზ მაჩალიკაშვილს დააკავებენ, დაიწყება დიდი საპროტესტო აქციები. ეს ხელისუფლება ჭაობში იძირება და ძირავს ქვეყანას. თუ მალხაზ მაჩალიკაშვილს დააკავებენ, ამ კარვებში შემოვალთ ჩვენ და არ გავჩერდებით. ამ ამბავს გაიგებს ყველა, მოვიყვანთ უცხოურ მედიასაშუალებებს, შევხდებით ელჩებს და აუცილებლად აღდგება სამართლიანობა", - აღნიშნა თაკო ჩარკვიანმა.