პარლამენტის თავმჯდომარე ირაკლი კობახიძე, დეპუტატებთან, პრეზიდენტ სალომე ზურაბიშვილთან და პრემიერ-მინისტრმამუკა ბახტაძესთან ერთად, საქართველოს პარლამენტის ეროვნული ბიბლიოთეკის მეექვსე კორპუსში, ჯანრი კაშიას ბიბლიოთეკის გახსნას დაესწრო.

პარლამენტის პრესსამსახურის ინფორმაციით, ჯანრი კაშიას ბიბლიოთეკა, რომელიც ეროვნულ ბიბლიოთეკას მისმა მეუღლემ, საქართველოს პრეზიდენტმა სალომე ზურაბიშვილმა გადასცა, 2000-ზე მეტი უნიკალური გამოცემისგან შედგება. მათ შორისაა საბჭოთა პერიოდში აკრძალული ლიტერატურა, თვითგამოცემები, ქართველ ემიგრანტთა გამოცემები, პერიოდიკა ქართულ და უცხოურ ენებზე, ასევე ჯანრი კაშიას პირადი არქივი.