აშშ-მა 200 მილიარდი დოლარის ღირებულების ჩინურ პროდუქციაზე ტარიფი 10-დან 25%-მდე გაზარდა.
ჩინეთში აცხადებენ, რომ აღნიშნულ გადაწყვეტილებას შესაბამის პასუხს გასცემენ და საჭირო ზომებს მიიღებენ.
შეგახსენებთ, მხარეები ბოლო წუთამდე ცდილობდნენ მოლაპარაკებების წარმოებას და შეთახმების მიღწევას სავაჭრო ურთიერთობების შესახებ, თუმცა, ეს პროცესი უშედეგოდ დასრულდა.
„ვიმედოვნებდით, რომ ამერიკული და ჩინური მხარე ერთად იმუშავებდა და არსებულ პრობლემებს თანამშრომლობისა და კონსულტაციების საშუალებით გადაჭრიდა“, - აღნიშნულია ჩინეთის ფინანსთა სამინისტროს განცხადებაში.
ჩინეთი და აშშ მოლაპარაკებების წარმოებას გასული წლის დეკემბრის შემდეგ ცდილობდნენ. ტრამპის თქმით, ვაშინგტონის გადაწყვეტილების მიზეზი ორ ქვეყანას შორის სავაჭრო დისბალანსი იყო. ასევე, აშშ-ის პრეზიდენტის განცხადებით, ჩინეთის ინტელექტუალური საკუთრების კანონი ამერიკულ კომპანიებს აფერხებს. ოფიციალურ პეკინში კი აცხადებენ, რომ ტრამპის გადაწყვეტილების მიზანს ჩინეთის ეკონომიკური ზრდის შეფერხება წარმოადგენს, ვინაიდან აშშ ცალკეულ დასავლურ ქვეყანასთან ერთად მსოფლიოში ჩინეთის გავლენების ზრდის გამო წუხს.