პარლამენტის იურიდიულ საკითხთა კომიტეტის თავმჯდომარის, ანრი ოხანაშვილის მოსაზრებით, ოპოზიციის განცხადებები, რომ ნინო გვენეტაძემ თსუ-ს პრორექტორის თანამდებობა დუმილის სანაცვლოდ მიიღო, სპეკულაციაა.

როგორც ოხანაშვილმა ჟურნალისტებს დასმული კითხვის საპასუხოდ განუცხადა, გვენეტაძის აღნიშნულ პოზიციაზე დანიშვნას მიესალმება.

„ნინო გვენეტაძის ამ პოზიციას მივესალმები. ქალბატონი ნინო აქტიურად იყო ჩართული წლების განმავლობაში აკადემიურ საქმიანობაში. მე მას ვიცნობ, პირველ რიგში, როგორც პროფესორს და შესაბამისად, მისთვის უცხო არ უნდა იყოს აკადემიური საქმიანობა. ამიტომ ეს ალბათ სპეკულაციაა და სხვა არაფერი ოპოზიციური პარტიების მხრიდან. მე მას წარმატებას ვუსურვებ ამ საქმიანობაში და დარწმუნებული ვარ, მისი გამოცდილება, როგორც პროფესიული, ასევე აკადემიური, წაადგება თბილისის სახელმწიფო უნივერსიტეტის კონკრეტულ მიმართულებებს",- განაცხადა ოხანაშვილმა.

შეგახსენებთ, უზენაესი სასამართლოს ყოფილი თავმჯდომარე ნინო გვენეტაძე თსუ-ს პრორექტორად დაინიშნა.