11 მაისს, 14:00 საათზე, საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმში „წერილის წერის საერთაშორისო კონკურსის“ დაჯილდოების ცერემონია გაიმართება.
როგორც „ინტერპრესნიუსს“ „საქართველოს ფოსტიდან“ აცნობეს, კონკურსში სამი გამარჯვებული გამოვლინდება.
მათივე ინფორმაციით, „წერილის წერის საერთაშორისო კონკურსი“ "საქართველოს ფოსტის" ეგიდით წელს მეექვსედ გაიმართა. კონკურსის მიზანია წერილის წერის ტრადიციის აღდგენა/დამკვიდრება და წერილობითი ურთიერთობის პოპულარიზაცია ახალგაზრდა თაობაში, ასევე თანამედროვე ტექნოლოგიების პირობებში წერილობითი ურთიერთობების შენარჩუნება.