დავით ზალკალიანი - ევროპაში თავისუფალი გადაადგილების სხვადასხვა არაკეთილსინდისიერი გზის გამოყენება რომ არ მოხდეს, საზოგადოებას სწორი გზავნილი უნდა გაეგზავნოს

ყველაფერს ვაკეთებთ, რომ ევროპასთან თავისუფალი გადაადგილების სხვადასხვა არაკეთილსინდისიერი გზით გამოყენება არ მოხდეს, საზოგადოებას სწორი გზავნილი გაეგზავნოს, პედაგოგების როლი კი ამ მიმართულებით განსაკუთრებულია, - ამის შესახებ საქართველოს საგარეო საქმეთა მინისტრმა დავით ზალკალიანმა სახელმწიფო ცერემონიების სასახლეში განაცხადა.

სასახლეში სემინარი „მასწავლებელი - მეგზური ევროპისკენ“ გაიხსნა, რომელზეც ღონისძიების მონაწილეებს სიტყვით მინისტრმა მიმართა.

„ეს სემინარი უკვე მეექვსე წელია, მიმდინარეობს და ის ფაქტი, რომ დღეს ასეთი გაფართოებული შემადგენლობით ვიკრიბებით, კიდევ ერთხელ ადასტურებს, რომ სემინარი უაღრესად წარმატებული და მნიშვნელოვანია და მას ხელშესახები შედეგები მოაქვს. სათაური - „მასწავლებელი - მეგზური ევროპისკენ“ ნათელი დასტურია, რომ ჩვენი ქვეყნის ძირითადი სტრატეგიული მიზანი, რაც საქართველოს კონსტიტუციაში, პარლამენტის შესაბამის რეზოლუციაში და მთავრობის პროგრამაშია ასახული და რომელიც პრემიერმა პარლამენტის წინაშე წარადგინა, ევროპულ და ევროატლანტიკურ სტრუქტურებში სრულფასოვანი ინტეგრაციაა და მთელი საზოგადოება ამ მიზნის გარშემოა კონსოლიდირებული. ვფიქრობ, ჩვენს პედაგოგები, ჩვენი განათლების სფეროს წარმომადგენლებს, მნიშვნელოვანი წვლილი შეგაქვთ საქართველოსთვის ერთ-ერთ მთავარი სტრატეგიული მიზნის, ქვეყნის ევროკავშირში ინტეგრაციის მიღწევაში. ევროპასთან თავისუფალ გადაადგილებას შედეგად მოაქვს ხალხთა შორის ურთიერთობა, მობილურობა, განათლების სფეროში სტუდენტების ურთიერთგაცვლა და ბიზნესის დაახლოება. ჩვენ ყველაფერს ვაკეთებთ იმისთვის, რომ არ მოხდეს ამ მნიშვნელოვანი მიღწევის სხვადასხვა არაკეთილსინდისიერი გზით გამოყენება და თითოეული ჩვენგანის ძალისხმევა გასაერთიანებელია, რათა საზოგადოებას სწორი გზავნილი გაეგზავნოს. მასწავლებლების, პედაგოგების როლი ამ მიმართულებით განსაკუთრებულია. დიდი იმედი მაქვს, თქვენს ურთიერთობაში მოსწავლეებთან, საზოგადოებასთან და კოლეგებთან, ეს ერთ-ერთი მთავარი, პრიორიტეტული მიმართულება იქნება“, - განაცხადა ზალკალიანმა.

ამას გარდა, მინისტრმა ისაუბრა საქართველოს მიერ ევროპული ინტეგრაციის გზაზე მიღწეული წარმატებების შესახებ.

„სიმბოლურია, რომ ეს სემინარი ემთხვევა საქართველოსთვის ორ მნიშვნელოვან თარიღს: წელს სრულდება ხუთი წელი ასოცირების შეთანხმების ხელმოწერიდან და ათი წელი საქართველოს აღმოსავლეთ პარტნიორობის ინიციატივაში გაწევრიანების შემდეგ. მთელი ამ პერიოდის განმავლობაში მნიშვნელოვანი შედეგები გვაქვს საქართველოს ევროკავშირში ინტეგრაციის კუთხით. საქართველო ლიდერი ქვეყანაა აღმოსავლეთ პარტნიორ წევრ ქვეყნებს შორის და ეს ის შეფასებაა, რომელსაც ხშირად ვისმენთ ევროპელი პარტნიორების მხრიდან და რაც ასახულია ევროკავშირისა და ევროპული აღმოსავლეთ პარტნიორობის სხვადასხვა დეკლარაციაში და გადაწყვეტილებაში. საგანგებოდ საქართველოსთვის ევროკავშირის მხრიდან ინიცირებულია უპრეცედენტო ფორმატები, მათ შორის, უმაღლესი დონის დიალოგი, რომელიც 26 ნოემბერს ჩატარდა. ეს უნიკალური შესაძლებლობა იყო, რომ საქართველოს მთავრობას, პრემიერ-მინისტრის ხელმძღვანელობითა და მინისტრთა კაბინეტის წევრების მონაწილეობით, ჰქონოდა შესაძლებლობა, ჩვენს ევროპელ პარტნიორებთან, ევროკომისიის პრეზიდენტთან და კომისრებთან სამომავლო პროექტებზე ესაუბრა, აქ მნიშვნელოვანი ადგილი დაეთმო განათლებას. ასევე, ჩვენი ამბიციური გეგმა, რაც ასახულია საგარეო საქმეთა სამინისტროს ინიცირებულ პროექტში, „საგზაო რუკა ევროპისკენ“, ითვალისწი­­­­ნებს ქვეყნის ფუნქციონალურ მომზადებას ევროკავშირში გაწევრიანებისთვის. ამის რეალიზაცია უკვე ხდება, რისი დასტურიცაა საქართველოს განათლების ხარისხის ევროპულ ცენტრში გაერთიანება, საქართველოს დიპლომების აღიარება. გადავდგამთ ნაბიჯებს იმისკენ, რომ საქართველო ყველა მიმართულებით აქტიურად იყოს წარმოდგენილი ევროკავშირის ყველა პროგრამასა და სააგენტოში, რაც თანდათანობით გვაახლოებს საბოლოო მიზანთან“, - აღნიშნა დავით ზალკალიანმა.

იხილეთ ვიდეო: დავით ზალკალიანი - ევროპაში გამგზავრებასთან დაკავშირებით საზოგადოებას სწორი გზავნილი უნდა გაეგზავნოს

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა