დავით ბაქრაძე - სადამსჯელო ღონისძიებებით ვერ შევაჩერებთ ადამიანებს, რომლებსაც არ აქვთ ხვალინდელი დღის პერსპექტივის განცდა და ამისთვის მიდიან ევროპაში

კარგად უნდა გვესმოდეს, რა არის უვიზო მიმოსვლის დარღვევის მიზეზი - საქართველოდან ადამიანები გაჭირვებას მიჰყავს, - ამის შესახებ „ევროპული საქართველოს" ლიდერმა დავით ბაქრაძემ საფრანგეთის შს მინისტრის იმ განცხადებაზე კომენტირებისას განაცხადა, რომელიც უვიზო მიმოსვლასა და თავშესაფრის მთხოვნელთა ზრდას ეხება.

მისი თქმით, საქართველომ უნდა გაითვალისწინოს და პატივი სცეს პარტნიორების მოსაზრებებს, ვინაიდან უვიზო მიმოსვლა არის ძალიან სერიოზული წინ გადადგმული ნაბიჯი საქართველოს ევროპული მომავლისკენ, მაგრამ, ასევე კარგად უნდა გვესმოდეს, რა არის ამ დარღვევების მიზეზი.

„ადამიანები საქართველოდან მიჰყავს გაჭირვებას, უმუშევრობას, გაძვირებულ ცხოვრებასა და სიღარიბეს, ეს ყველაფერი დღევანდელი ხელისუფლების მოქმედების, გაჩერებული ეკონომიკისა და უკან წასული ქვეყნის შედეგია. ამიტომ, პრინციპულად არასწორია და პრობლემას ვერ გამოასწორებს, თუ ჩვენ ხელისუფლების პრობლემას ხალხზე გადავტეხავთ და ერთადერთ გამოსავლად მივიჩნევთ მოქალაქეების მიმართ მეტი სადამსჯელო ღონისძიებების შემოღებას. სადამსჯელო ღონისძიებებით ვერ შევაჩერებთ ადამიანებს, რომლებსაც არ აქვთ ხვალინდელი დღის პერსპექტივის განცდა საქართველოში და ამისთვის მიდიან ევროპაში”, - განაცხადა დავით ბაქრაძემ.

მისივე თქმით, გამოსავალი ქვეყნის ეკონომიკური განვითარებაა.

„გამოსავალი საბოლოო ჯამში არის საქართველოს განვითარება. რაც უფრო წინ წავა ქვეყანა, მით უფრო ნაკლები ადამიანი დატოვებს საკუთარ ოჯახს გაჭირვების გამო. ამიტომ პარტნიორებთან უნდა ვიმუშაოთ, მათი პოზიცია უნდა გავითვალისწინოთ. მათ შორის თუ რამე აუცილებელია,უნდა გავამკაცროთ და დავაზუსტოთ, მაგრამ ყველაფრის თავი და თავი უნდა იყოს ის, რომ თუ საქართველოში ეკონომიკა არ განვითარდება, თუ ადამიანებს არ გაუჩნდებათ განცდა, რომ ამ ქვეყანას მომავალი აქვს და მათი ოჯახი საქართველოში ხვალ უკეთესად იცხოვრებს, ამ განცდის გარეშე მიგრაციის შეჩერება უბრალოდ წარმოუდგენელი იქნება“, - განაცხადა დავით ბაქრაძემ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა