ნინო გვენეტაძე - ეს პერიოდი ჩემს გამოჯანმრთელებას დავუთმე და ახლა მივიღე გადაწყვეტილება, დავბრუნებოდი ჩემ საყვარელ საქმიანობას

ჩემი დიდი სურვილია, რომ გამეგრძელებინა მუშაობა საგანმანათლებლო, აკადემიური ხაზით, - ამის შესახებ უზენაესი სასამართლოს ყოფილმა თავმჯდომარემ, ნინო გვენეტაძემ განაცხადა, რომელიც თსუ-ს პრორექტორად დაინიშნა.

მისი თქმით, უნივერსიტეტის წარმომადგენლობასთან და რექტორთან შეხვედრებმა მიაღებინა ეს გადაწყვეტილება, რომ თავის "საყვარელ და საპასუხისმგებლო საქმიანობას დაბრუნებოდა".

"მოგეხსენებათ, 2018 წლის აგვისტოს თვიდან დავტოვე უზენაესი სასამართლოს თავმჯდომარის პოზიცია ჯანმრთელობის მდგომარეობის გაუარესების გამო. მთელი ეს პერიოდი სარეაბილიტაციო პროცესს დავუთმე - ჩემი ჯანმრთელობის მდგომარეობის გაუმჯობესებას. ჩემი დიდი სურვილია, რომ გამეგრძელებინა მუშაობა საგანმანათლებლო, აკადემიური ხაზით და ბუნებრივია, შეხვედრებმა უნივერსიტეტთან, რექტორთან, მიმაღებინა ეს გადაწყვეტილება, რომ შევძლებდი დავბრუნებოდი ჩემ ძალიან საყვარელ და საპასუხისმგებლო საქმიანობას, სფეროს და რამდენიმე შეხვედრის შემდეგ, გადაწყდა ჩემი რექტორის მოადგილის პოზიციაზე გამწესების საკითხი, რომელიც სასწავლო პროცესს გაუწევს მეთვალყურეობას", - განაცხადა გვენეტაძემ.

უზენაესი სასამართლოს ყოფილი თავმჯდომარე, ნინო გვენეტაძე თსუ-ს პრორექტორად რამდენიმე დღის წინ დაინიშნა.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ