ბექა დავითულიანი - თბილისის მერია მუნიციპალური ტრანსპორტის მკაცრი შემოწმების მომხრეა

თბილისის საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ბექა დავითულიანი ტექნიკური ინსპექტირების ცენტრის თანამშრომელთა დაკავების შესახებ ოპოზიციის ბრალდებებს გამოეხმაურა. ამის შესახებ „ინტერპრესნიუსს“ თბილისის საკრებულოდან აცნობეს.

ბექა დავითულიანის თქმით, უმცირესობის განცხადება კორუფციულ გარიგებასთან დაკავშირებით აბსურდია და მერია მუნიციპალური ტრანსპორტის მკაცრი შემოწმების მომხრეა.

„მუნიციპალური ტრანსპორტის ტექნიკური დათვალიერების პროცესში დედაქალაქის მერია არ ერევა. ამ პროცესს, დამოუკიდებლად, კერძო კომპანიები ახორციელებენ. ჩვენთვის უცნობია, კომპანიამ უპირატესობის მოპოვების, კონკურენციის თუ რა მოტივით გააკეთა მსგავსი დაშვებები. ასეთი მიდგომა კატეგორიულად მიუღებელია, რადგან თბილისის მუნიციპალიტეტი გარემოს დაცვისთვის და დედაქალაქში ავტოპარკის განახლებისთვის აქტიურად მუშაობს. ჩვენ ევრო 6-ის სტანდარტის ახალი ავტობუსები შემოვიყვანეთ. მკაცრად კონტროლდება მუნიციპალური ტრანსპორტი, ყოველ დილით მარშრუტზე გასვლის წინ მათი ტექნიკური შემოწმება ხდება. პირიქით ჩვენ ვითხოვთ, რომ მუნიციპალური ტრანსპორტი მაქსიმალურად მკაცრად შემოწმდეს, რადგან ჩვენთვის მოსახლეობის უსაფრთხოება მთავარია“, - განაცხადა დავითულიანმა.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 14.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა