წამების პრევენციის ევროპული კომიტეტის ანგარიშში მიგრაციის დეპარტამენტის დროებითი განთავსების ცენტრში არსებული მდგომარეობაც მოხვდა

დელეგაციას არ მოუსმენია თითქმის არანაირი ბრალდება არასათანადო მოპყრობასთან დაკავშირებით შსს-ის მიგრაციის დეპარტამენტის დროებითი განთავსების ცენტრში. ამის შესახებ ნათქვამია წამების, არაჰუმანური ან დამამცირებელი მოპყრობის პრევენციის ევროპული კომიტეტის ანგარიშში, რომელიც საქართველოს ეხება.

„აღნიშნულ დაწესებულებაში არ გამოვლინდა უცხო ქვეყნის მოქალაქეებს შორის რაიმე სერიოზული და ხშირი კონფლიქტები. საერთო ჯამში, დაწესებულებაში ატმოსფერო საკმაოდ მშვიდი იყო. მატერიალური პირობები ზოგადად ძალიან კარგი იყო, შეთავაზებული აქტივობები კი შეიძლება განიხილოს, როგორც ადეკვატური. თუმცა კომიტეტმა რეკომენდაციის სახით აღნიშნა, რომ სასურველია, საქართველოს ხელისუფლებამ უფრო მეტი ძალისხმევა გაწიოს, რათა დროებითი განთავსების დაწესებულებაში დროის ხანგრძლივი პერიოდით მოთავსებულ სხვა ქვეყნის მოქალაქეებს ორგანიზებული აქტივობები შესთავაზოს“, - აღნიშნულია ანგარიშში.

რაც შეეხება ჯანმრთელობის დაცვასთან დაკავშირებულ საკითხებს, კომიტეტის რეკომენდაციით, მიზანშეწონილი იქნებოდა, მედდების დაქირავება და 24-საათიანი სამედიცინო მომსახურების დანერგვა.

„რაც შეეხება პროცედურულ საკითხებს, სხვა ქვეყნის მოქალაქეებს დაუყოვნებლივ მიეწოდებოდათ ინფორმაცია მათი უფლებების შესახებ და მიწოდებული იყო იურიდიული დახმარება. გარდა ამისა, საჭიროების შემთხვევაში მათ უზრუნველყოფდნენ თარჯიმნის მომსახურებით. თუმცა ზოგიერთ დაკავებულს, როგორც ჩანს, არ ჰქონდა საკმარისი ინფორმაცია იურიდიული დახმარების ხელმისაწვდომობასთან დაკავშირებით. კომიტეტის რეკომენდაციით, სასურველია უფრო მეტი ნაბიჯი გადაიდგას, რათა დარწმუნებულები იყვნენ, რომ იურისტთან წვდომა სრულად და ეფექტურად ხორციელდება ყველა დაკავებული ადამიანისთვის. ანგარიშში ნათქვამია, რომ შსს-ის მიგრაციის დეპარტამენტის დროებით განთავსების ცენტრში სპეციალურად გადამზადებული თანამშრომლები მუშაობდნენ, თუმცა ამის მიუხედავად, კომიტეტმა ხელისუფლებას მიმართა თხოვნით, გაწიონ უფრო მეტი ძალისხმევა, თანამშრომელთა ენობრივი უნარების ამაღლების მიზნით“, - აღნიშნულია ანგარიშში.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 13.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ