უკრაინის მოქმედი პრეზიდენტი პეტრო პოროშენკო უკრაინის გენერალურმა პროკურატურამ 2014 წელს ევრომაიდანზე მომხდარ მოვლენებთან დაკავშირებით დაკითხა. ამის შესახებ ინფორმაციას უკრაინული მედია ავრცელებს.
აღსანიშნავია, რომ ევრომაიდანის მოვლენებთან დაკავშირებით, პოროშენკო უკვე მეორედ დაკითხეს. პირველად მისი დაკითხვა 2016 წლის ნოემბერში მოხდა. ამასთანავე, მიმდინარე წლის მაისის დასაწყისში პოროშენკო გენერალურ პროკურატურაში იყო დაბარებული, თუმცა ის არ გამოცხადდა.
შეგახსენებთ, რომ 2014 წლის თებერვალში, ევრომაიდნის მოვლენების დროს კიევში დაპირისპირების შედეგად 77 დემონსტრანტი და 17 სამართალდამცავი დაიღუპა. ასობით ადამიანი კი დაშავდა.