ინდონეზიაში გამართული საპრეზიდენტო არჩევნების შედეგებს ოპოზიცია აპროტესტებს. ათასობით ადამიანმა ქვეყნის დედაქალაქ ჯაკარტაში საპროტესტო აქციაში მიიღო მონაწილეობა. ისინი ხელისუფლებას საარჩევნო პროცესში ჩარევაში სდებენ ბრალს.
საარჩევნო კომისიის ოფიციალური ინფორმაციით, ქვეყნის ამჟამინდელმა პრეზიდენტმა ჯოკო ვიდოდომ ამომრჩევეთა ხმების 56% მიიღო, ოპოზიციის კანდიდატმა პრაბობო სუბიანტომ კი 44%. თუმცა საპროტესტო აქციაზე შეკრებილი მოსახლეობა საარჩევნო კომისიას უნდობლობას უცხადებს და აცხადებს, რომ არჩევნებზე მნიშვნელოვანი დარღვევები მოხდა. ისინი შედეგების გაუქმებასა და ქვეყანაში არჩევნების თავიდან გამართვას ითხოვენ.