თამარ ხულორდავამ საჯარო სკოლის მასწავლებლებისთვის გამართულ სემინარში მიიღო მონაწილეობა

ევროპასთან ინტეგრაციის კომიტეტის თავმჯდომარე, თამარ ხულორდავა საქართველოს საჯარო სკოლების 150 მასწავლებელს შეხვდა, რომლებიც ნატო-სა და ევროკავშირის შესახებ საინფორმაციო ცენტრის მიერ ორგანიზებულ ყოველწლიურ პროექტში „მასწავლებელი - მეგზური ევროპისკენ“ მონაწილეობენ. აღნიშნული ინფორმაცია „ინტერპრესნიუსს“ საქართველოს პარლამენტიდან აცნობეს.

როგორც მათ მიერ მოწოდებულ ინფორმაციაშია აღნიშნული, კომიტეტის თავმჯდომარე მასწავლებლებს ევროპული ინტეგრაციიის პროცესზე, საკანონმდებლო ორგანოს როლზე და საქმიანობაზე, საშინაო და საგარეო პოლიტიკის პრიორიტეტებზე და საქართველოს ევროკავშირში გაწევრიანების პროცესში არსებულ გამოწვევებზე ესაუბრა.

შეხვედრის მონაწილეებმა იმსჯელეს ბავშვებისთვის ევროპული ინტეგრაციის თემატიკის მიწოდებაზე, ტოლერანტობის და ურთიერთპატივისცემის, როგორც ევროკავშირთან ჩვენი საერთო ღირებულებით აღზრდის აუცილებლობაზე.

„ძალიან საინტერესო იყო საჯარო სკოლების მასწავლებლებთან შეხვედრა. ვისაუბრეთ საქართველოს ევროპულ ინტეგრაციაზე. ყურადღება დავუთმეთ მოზარდებისთვის საინტერესო თემებს და ამ საკითხებზე მოზარდებთან კომუნიკაციის გზებს. ჩემთვის პატივია ამდენ მოტივირებულ და დაინტერესებულ მასწავლებელთან ურთიერთობა. მათ გამოთქვეს უფრო აქტიური ურთიერთობის სურვილი საქართველოს პარლამენტთან. დარწმუნებული ვარ, ჩვენი თანამშრომლობა მომავალშიც გაგრძელდება”, - განაცხადა თამარ ხულორდავამ.

პროექტი "მასწავლებელი - მეგზური ევროპისკენ" სსიპ „მასწავლებელთა პროფესიული განვითარების ეროვნული ცენტრის“, ფრიდრიხ ებერტის ფონდისა და აღმოსავლეთ პარტნიორობის ესტონური ცენტრის მხარდაჭერით ხორციელდება. პროექტის მიზანია ზოგადსაგანმანათლებლო სკოლებში ევროკავშირის შესახებ სწავლების დანერგვა, დემოკრატიული იდეების პოპულარიზაცია და მოსწავლეების მიერ კონკრეტული თემების შესახებ ცოდნის შეძენა.​

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა