„ქართული ოცნება - დემოკრატიული საქართველოს“ მარნეულის მუნიციპალიტეტის მერობის კანდიდატი ზაურ დარგალი, მუნიციპალიტეტის ადმინისტრაციულ ერთეულებში, ამომრჩევლებთან შეხვედრებს განაგრძობს.აღნიშნულის შესახებ „ინტერპრესნიუსს“ „ქართული ოცნებიდან“ აცნობეს.

„კამპანიის ფარგლებში, მმართველი გუნდის წარმომადგენლები თითქმის, ყველა სოფელში ჩავიდნენ და კანდიდატის პროგრამა მოსახლეობას პირადად გააცნეს. ზაურ დარგალი, მასშტაბური შეხვედრების გარდა, კარდაკარის პრინციპით, ადგილობრივ ოჯახებს სტუმრობს და მათ საჭიროებებს ადგილზე ეცნობა.

ის მოქალაქეების დაგეგმილი ინფრასტრუქტურული პროექტების შესახებ აწვდის ინფორმაციას და არჩევნებში აქტიური მონაწილეობისკენ მოუწოდებს“, - ნათქვამია პარტიის მიერ გავრცელებულ ინფორმაციაში.