მეუფე დანიელი - თუ ერი უფლისგან მიღებულ ძალას არ შეუერთებს თავის თავდადებას და თავგანწირვას, ეს ძალა ნაყოფს ვერ გამოიღებს

თუ ერი უფლისგან მიღებულ ძალას არ შეუერთებს თავის თავდადებას და თავგანწირვას, ეს ძალა ნაყოფს ვერ გამოიღებს, - ამის შესახებ ჭიათურის და საჩხერის მიტროპოლიტმა, მეუფე დანიელმა (დათუაშვილი) მახათას მთაზე ყოვლადწმინდა ივერიის ღვთისმშობლის ხატის ტაძრის კურთხევის შემდეგ, ქადაგებისას განაცხადა.

როგორც მეუფე დანიელმა ბრძანა, ეს ძალა მაშინ გამრავლდა საქართველოს ისტორიაში, როდესაც ღმერთმა პირველ საუკუნეში ჩვენს ერს მფარველად დაუდგინა ყოვლადწმინდა ღვთისმშობელი.

"მაგალითებზე იზრდებოდა ჩვენი ერი და ამიტომ თქვა წმინდა ილია მართალმა საქართველოს შესახებ, რომ "ქრისტე ჯვარს ეცვა ჩვენთვის და ჩვენ ჯვარს ვეცვით ქრისტესთვის". და მართლაც, რამ მისცა ამ მცირერიცხოვან ერს, რომ ქრისტეშობამდე მრავალი ათასწლეული გაუძლო და ქრისტესშობის შემდეგ უამრავი ძლიერი სახელმწიფოს, დიდი იმპერიების ზეწოლას, დაპყრობით ომებს, სისასტიკეს გადაურჩა და არა მარტო გადარჩა ფიზიკურად, არამედ გადაირჩინა თავისი სულიერება, ღირსება და ზნეობა დღემდე. ეს არის დიდი სასწაული. რამ მისცა ძალა? -რასაკვირველია, უფალმა. მაგრამ თუ ერი უფლისგან მიღებულ ძალას არ შეუერთებს თავის თავდადებას და თავის თავგანწირვას, ეს ძალა ნაყოფს ვერ გამოიღებს. და აი, ეს ძალა გამრავლდა საქართველოს ისტორიაში, როდესაც ღმერთმა პირველ საუკუნეში ჩვენს ერს მფარველად დაუდგინა ყოვლადწმინდა ღვთისმშობელი. მან გადაგვარჩინა ჩვენ და მოგვიყვანა დღემდე. ქართველმა ერმა გაიაზრა ეს წყალობა და მადლიერებით უპასუხა საუკუნეების მანძილზე. დღევანდელი დღე არის კიდევ ერთი მადლიერება ღვთისმშობლისადმი",- ბრძანა მეუფე დანიელმა.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის