კანდელაკის ქუჩაზე 3 კმ სიგრძის წყალმომარაგების სისტემა სრულად განახლდა. „ჯორჯიან უოთერ ენდ ფაუერის“ ინფორმაციით, სტაბილური წყალმომარაგებისთვის, კომპანიამ ახალ ქსელზე თანამედროვე ჩამკეტ-მარეგულირებელი ურდულები დაამონტაჟა.
როგორც „ინტერპრესნიუსს“„ჯორჯიან უოთერ ენდ ფაურიდან“ აცნობეს, რეაბილიტაციის ბოლო ეტაპს - ახალ ქსელზე გადაერთების სამუშაოებს კომპანია დღეს, 13 მაისს განახორციელებს.
„აღნიშნულთან დაკავშირებით, რამდენიმე საათის განმავლობაში, მაგისტრალური ქსელის წყლისგან დაცლაა აუცილებელი, რის გამოც 13 მაისს, 12:00 საათიდან 14 მაისის 08:00 საათამდე წყალმომარაგება შეეზღუდება:
საბურთალოს რაიონში: კანდელაკის, ბუდაპეშტის, დელისის და მიმდებარე ქუჩებს, ასევე ნუცუბიძის ქუჩის და ვაჟა-ფშაველას გამზირის ნაწილს.
სამუშაოების მიმდინარეობისას კომპანია მოსახლეობას წყალს ცისტერნებით მიაწვდის.
წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge“ - ნათქვამია კომპანიის მიერ გავრცელებულ ინფორმაციაში.