მე მაინც მიმაჩნია, რომ „ქართული ოცნების“ კანდიდატებს თბილისსა და მარნეულში გამარჯვების ყველაზე მეტი შანსი აქვთ, - ამის შესახებ „ინტერპრესნიუსს“ პოლიტოლოგმა მამუკა არეშიძემ შუალედურ არჩევნებზე საუბრისას განუცხადა.
როგორც არეშიძემ აღნიშნა, რთული სათქმელია შუალედურ არჩევნებში დაინიშნება თუ არა მეორე ტური, თუმცა მიიჩნევს, რომ „ყველაზე ცხელი წერტილი შესაძლოა, ზუგდიდში იყოს“.
„განსაკუთრებულ აქტივობას მე მხოლოდ თბილისსა და ქვემო ქართლში ვაკვირდები, ზუგდიდში რა ხდება, მართალი გითხრათ, კარგად არ ვიცი. ხმები ძალიან იყოფა, მე მაინც ვთვლი, რომ „ქართული ოცნების“ კანდიდატს ყველაზე უკეთესი შანსი თბილისსა და მარნეულში აქვს,“ - განაცხადა მამუკა არეშიძემ.
მისივე თქმით, წინასაარჩევნო გარემო მშვიდია და „განსაკუთრებული არაფერი ხდება“.
„განსაკუთრებული არაფერი ხდება. იმიტომ, რომ ეს მაინც შუალედური არჩევნებია და მაინც ისეთია, რომ 1 წლით ხდება დეპუტატი. მაგალითად, ზუგდიდში თუ 2020 წლის არჩევნების გარკვეული რეპეტიციაა, თბილისში ესაც არ იგრძნობა,“ - აღნიშნა პოლიტოლოგმა.