უამინდობამ ხელი შეუწყო ტექნიკურ გაუმართაობას, თორემ პრემიერი სხვა დროს ძალიან გამართულად საუბრობს, - ამის შესახებ "ინტერპრესნიუსს" ამბა ალავერდელმა, მეუფე დავითმა, მახათას მთაზე, პრემიერ-მინისტრ მამუკა ბახტაძის სიტყვით გამოსვლის საკითხზე კომენტირებისას განუცხადა.

შეგახსენებთ, რომ მახათას მთაზე სიტყვით გამოსვლისას მამუკა ბახტაძის საუბარი შენელებული იყო და წყდებოდა. აღნიშნულთან დაკავშირებით საქართველოს პირველმა არხმა განცხადება გაავრცელა და აღნიშნა, რომ ტრანსლაციის დროს ტექნიკური წუნი დაფიქსირდა, თუმცა საზოგადოების გარკვეული ნაწილი მიიჩნევს, რომ პრემიერი არაფხიზელ მდგომარეობაში იმყოფებოდა.