პარტიის განახლება და ახალი სახეები - ეს არის პარტიაში მიმდინარე ბუნებრივი პროცესი, - ამის შესახებ პრემიერ-მინისტრმა მამუკა ბახტაძემ თბილისის საერთაშორისო აეროპორტში ბრიუსელში გამგზავრებამდე ჟურნალისტებს განუცხადა.

,,ეს არის პარტიის განახლების ძალიან ბუნებრივი პროცესი. მე ამას მხოლოდ მივესალმები”, - განაცხადა პრემიერმა.

პრემიერის თქმით, მაია მიმინოშვილი პარტიას ეხმარება ტრენინგებში, გადამზადებაში და მმართველ პარტიას თავის გამოცდილებას უზიარებს.

„რაც შეეხება მაია მიმინოშვილს, ის არის მაღალი დონის პროფესიონალი. ის პარტიას ეხმარება ტრენინგებში, გადამზადებაში და იმ გამოცდილებას გვიზიარებს, რაც მას აქვს ამ მიმართულებით. რაც შეეხება პარტიის განახლებას და ახალ სახეებს, ეს არის პარტიაში მიმდინარე ბუნებრივი პროცესი. ნებისმიერი პარტია მოწადინებული უნდა იყოს განახლებაზე, ახალი, საინტერესო ადამიანების მაღალი პოტენციალის მქონე ადამიანების მოზიდვაზე და ბუნებრივია, ეს არის ვალდებულება მმართველი პარტიის”, - განაცხადა მამუკა ბახტაძემ.