მგონია, რომ შუალედური არჩევნების მეორე ტური ბევრგან შეიძლება დაინიშნოს. მგონი, გამარჯვების ყველაზე მეტი შანსი „ოცნებას“ აქვს, - ამის შესახებ პოლიტოლოგმა რამაზ საყვარელიძემ „ინტერპრესნიუსთან“ საუბრისას განაცხადა.

პოლიტოლოგის განმარტებით, მიუხედავად იმისა, რომ შუალედურ არჩევნებში მეორე ტურის დანიშვნა გამორიცხული არ არის, საბოლოო გამარჯვების მეტი შანსი „ქართულ ოცნებას“ აქვს, რადგან „კონკურენტი პოლიტიკური პარტიები საკმარისად ძლიერები არ არიან“.

რამაზ საყვარელიძის თქმითვე, შუალედურ არჩევნებში „ყველაზე ცხელი წერტილები შესაძლოა, ზუგდიდსა და მარნეულში იყოს.“

„მეჩვენება, რომ წინასაარჩევნო გარემო უფრო მშვიდია. უფროში ვგულისხმობ, მაგალითად, უახლოეს საპრეზიდენტო არჩევნებს. იმასთან შედარებით, ჩემი აზრით, სიტუაცია უფრო მშვიდად მიდის.

რაც შეეხება მეორე ტურს, მგონია, რომ ის ბევრგან შეიძლება დაინიშნოს. არ არის ისეთი მკაფიო უპირატესობა, რომ მეორე ტური გამოირიცხოს.

მე მგონი, გამარჯვების ყველაზე მეტი შანსი „ქართულ ოცნებას“ აქვს, იმიტომ, რომ კონკურენტები, პოლიტიკურ ალტერნატივებზე, პარტიებზე ვამბობ, იმდენად ძლიერები არ არიან, რომ სხვანაირი შედეგები იყოს,“ - აღნიშნა რამაზ საყვარელიძემ.

კითხვაზე, გულისხმობს თუ არა რამაზ საყვარელიძე იმას, რომ „ქართულმა ოცნებამ“ შესაძლოა გამარჯვება ზუგდიდსა და თბილისშიც მოიპოვოს, პოლიტოლოგი აღნიშნავს, რომ ასეა.