ოთარ დანელია - ნატურალური რძის პროდუქტების წარმოება უმნიშვნელოვანესი პრიორიტეტია

საქართველოს პარლამენტის აგრარულ საკითხთა კომიტეტის თავმჯდომარის ოთარ დანელიას განცხადებით, ნატურალური რძის პროდუქტების და განსაკუთრებით ყველის წარმოება, სოფლის მეურნეობის სფეროს ერთ-ერთი უმნიშვნელოვანესი პრიორიტეტია.

„ნატურალური რძის პროდუქტების და განსაკუთრებით ყველის წარმოების პრიორიტეტულობას ამ საკითხისადმი სახელმწიფოს მიდგომაც ადასტურებს. ხელისუფლება მნიშვნელოვნად უწყობს ხელს ამ სფეროში მეწარმეების მხრიდან ნებისმიერ ინიციატივას. ნატურალური რძის პროდუქტების წარმოების ხელშეწყობის ნათელი მაგალითია საგადასახდო რეჟიმიც, რომელშიც ეს სფეროა მოქცეული“, - განაცხადა ოთარ დანელიამ.

მისი თქმით, კვლავაც განსაკუთრებული ხელშეწყობა ექნება სოფლის მეურნეობის სფეროს ამ მიმართულებაში ინვესტიციების განხორციელებას.

„ხელისუფლება კვლავინდებურად მზად არის მაქსიმალური თანადგომა და ხელშეწყობა გამოიჩინოს იმ კომპანიების მიმართ, რომლებიც სფეროში დამატებით ინვესტიციებს მოიზიდავენ და ამ მიმართულებით არის გარკვეული ძვრები. ჩემი ინფორმაციით, მალე უნდა დასრულდება რამდენიმე ქართული კომპანიის მიერ საკმაოდ სოლიდური საინვესტიციო პაკეტის მოზიდვის პროცედურა. საინვესტიციო პროექტები გრძელვადიანი და მზარდი წარმოების დივერსიფიცირებული განვითარების მხრივაც. მიუხედავად კერძო სექტორის აქტივობისა, აუცილებელია კვლავაც ინტენსიურად გაგრძელდეს სფეროს სახელმწიფო ხელშეწყობის პროგრამები, რათა მოსახლეობის უზრუნველყოფა მოხდეს ნატურალური რძითა და რძის პროდუქტებით“,-განაცხადა ოთარ დანელიამ.

აღნიშნულ კომენტარს პარლამენტის პრესსამსახური ავრცელებს.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა