განათლების მინისტრის მოადგილე - კრედიტქულების სქემა 2020 წლიდან აღარ იქნება, ვმუშაობთ, როგორ დავეხმაროთ სკოლებს მასწავლებლების შიდა შეფასებისას

„კრედიტქულების სქემა 2020 წლიდან აღარ იქნება, ვმუშაობთ იმაზეც, თუ როგორ უნდა დავეხმაროთ სკოლებს მასწავლებლების შიდა შეფასებისას“, - ამის შესახებ საქართველოს განათლების, მეცნიერების, კულტურისა და სპორტის მინისტრის მოადგილემ, ირინე აბულაძემ განაცხადა.

განათლების კომპლექსური რეფორმის მომდევნო ეტაპის ფარგლებშიც მაღალკვალიფიციურ პედაგოგებსა და სკოლის ადმინისტრაციას ანაზღაურება გაეზრდება. აბულაძემ მასწავლებელთა მიერ კომპეტენციის დასადასტურებლად გასავლელ პროცედურებზე ისაუბრა.

„მასწავლებელთა კომპეტენციის დასადასტურებლად გამოცდები არ არის ერთადერთი გზა სტატუსის მიღწევისთვის, ეს აქამდეც ასე იყო. გამოცდების სქემის რეგულაციები შენარჩუნებულია და 2019 წლის ბოლომდე, ყველა მასწავლებელი, რომელსაც დაწყებული აქვს ეს პროცესი, რომ გადავიდეს სხვა საფეხურზე, განხორციელებული აქვს კონკრეტული აქტივობები და დაგროვებული აქვს კრედიტქულები, გააგრძელებს პროცესს და წლის ბოლოსთვის ეს სტატუსებზე და ცხადია, ხელფასის ზრდაზე აისახება.

მან ასევე აღნიშნა, რომ ბიუროკრატიის შესამცირებლად იგეგმება კრედიტქულების სისტემის გაუქმება.

„კრედიტქულების გაუქმება დაანონსდა, ვმუშაობთ ამ დოკუმენტზე და 2020 წლიდან იქნება შემდეგი ცვლილება, მას მერე, რაც არსებული სქემა აღარ იქნება მოქმედებაში. ეს გულისხმობს იმას, რომ მაქსიმალურად ვეცადოთ, შევამციროთ ბიუროკრატია. 2019 წლის ბოლომდე კრედიტქულების დაგროვების არსებული სისტემა იმოქმედებს. მასწავლებლებს სხვა ტიპის შესაძლებლობებს შევთავაზებთ, თუ როგორ უნდა აიმაღლონ სტატუსი. ერთ-ერთ ვერსიად განიხილება ისიც, რომ გამოხატონ სურვილი პირდაპირ მენტორის სტატუსზე და არა - ჯერ წამყვანისა და შემდეგ მენტორის სტატუსზე. ასევე, ვმუშაობთ იმაზე, თუ როგორ უნდა დავეხმაროთ სკოლებს მასწავლებლების შიდა შეფასებისას, რადგან ვფიქრობ, არსებულ სქემაში გასაძლიერებელია სკოლის შიდა შეფასების ელემენტი, რადგან ვიცით, რომ ყოველდღიურ საქმიანობაში სკოლა უკეთესად შეაფასებს მასწავლებელს, ვიდრე გარე დაკვირვება“, - განაცხადა აბულაძემ.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა