თურქეთის სამხედრო-საზღვაო ძალები დღეიდან, ერთდროულად სამ ზღვაში, უმსხვილეს სამხედრო სწავლებას ახორციელებს სახელწოდებით „ზღვის მგელი“. ამის შესახებ გამოცემა „Daily Sabah“ იუწყება.
სწავლება 25 მაისამდე ხმელთაშუა, ეგეოსის და შავ ზღვებში მიმდინარეობს, რომელშიც 131 ხომალდი, 57 სამხედრო თვითმფრინავი და 33 ვერტმფრენი მონაწილეობს.
თურქეთის სამხედრო-საზღვაო ძალები გამართავენ სტრატეგიულ და ოპერატიულ სწავლებას კრიზისული და სამხედრო სიტუაციების სცენარით.
სწავლება მიმართულია თურქეთის სამხედრო-საზღვაო ძალების ქვედანაყოფებისა და პოტენციალის გაძლიერებისკენ და ითვალისწინებს სამამულო და უცხოური წარმოების შეიარაღების გამოყენებას.
სწავლებაში დაახლოებით, 26 ათასი სამხედრო მონაწილეობს.