ეკა ბესელია - კობახიძის  ჯგუფს ვერანაირი ტრენინგი ვერ უშველის

კობახიძის ჯგუფს ვერანაირი ტრენინგი ვერ უშველის, - ამის შესახებ დეპუტატმა ეკა ბესელიამ „პალიტრანიუსის“ გადაცემაში „360 გრადუსი“ განაცხადა. დეპუტატის თქმით „ქართულ ოცნებაში“ პერმანენტულად ტრენინგები წარსულშიც ტარდებოდა. თუმცა თავად მას არ გაუვლია.

„ტრენინგებმა შეიძლება უშველოს ახალ თაობას, მათ ვინც უნდა გაიზარდოს და ვისაც აქვს ინტერესი იყოს „ქართულ ოცნებაში“, მაგრამ იმ პოლიტიკოსებს, ვინც დღეს არიან პარლამენტში „ქართული ოცნებიდან“, განსაკუთრებით კობახიძის ჯგუფს, მათ ვერანაირი ტრენინგი ვერ უშველის. ყველას არ ვგულისხმობ უმრავლესობიდან, რა თქმა უნდა, იქაც არიან ღირსეული ადამიანები. პოლიტიკას ტრენინგებით ვერ სწავლობენ. პერიოდულად იყო ასეთი ტრენინგები სხვადასხვა სპეციალისტები ატარებდნენ თუმცა მე არ გამივლია, ისეთი პოლიტიკური გაკვეთილები მაქვს მიღებული, მე ნამდვილად აღარ მინდა ასეთი ტრენინგები“,- განაცხადა ეკა ბესელიამ. მისივე თქმით ტრენინგების ჩატარება პარტიისთვის ნორმალური პროცესია თუმცა დღეს „ქართული ოცნების“ ირგვლივ მიმდინარე ყველა პროცესი გაშარჟებულია.

„ზოგადად, ეს არ არის ცუდი, როდესაც პარტია ნორმალურად უნდა განვითარდეს. თუმცა ახლა ყველაფერმა კომიკური სახე მიიღო, ყველაფერი გაშარჟებულია, იმიტომ, რომ სამწუხაროდ დაღმასვლის პროცესი დაიწყო მმართველი პარტიის, „ქართული ოცნების“ და უკვე იმდენად ნეგატიური განწყობის მატარებელია ყველა გადაწყვეტილება, რომელსაც იღებენ, განსაკუთრებით საკვანძო და სტრატეგიულ საკითხებზე. აი, რატომ უნდა იყოს საქილიკო ისეთი უწყინარი საკითხი, როგორიც ტრენინგებია ?!- მაგრამ გახდა. წითელსა და მწვანეს რომ ვერ განასხვავებ და მესიჯებს შეცდომით გაუგზავნი მათ, ვის წინააღმდეგაც ამზადებ მესიჯ ბოექსებს, პროექტი ჩაგივარდება, ვერ ხვდები, რას უნდა მისცე ხმა, სისულელებს ჩადიხარ...ეს არც ერთი არ არის ტექნიკური შეცდომა. ეს არის ის ქაოტური, არაორგანიზებული, არასწორი მართვის გამოხატულება ღია სივრცეში, რასაც ჰქონდა და აქვს ადგილი“, - განაცხადა ბესელიამ.

იხილეთ ვიდეო

სტეპან გრიგორიანი - სომხურმა შენაერთებმა ის სამი სიმაღლე დაიკავეს, რომელსაც ადრე აზერბაიჯანი აკონტროლებდა
რასიმ მუსაბეკოვი - როცა მოლაპარაკებები არანაირ შედეგს  არ იძლევა, ასეთი ვითარება მხოლოდ ომის განახლებით შეიძლება დასრულდეს, ამაში ეჭვი არავის არ უნდა ეპარებოდეს
ქართული პრესის მიმოხილვა 15.07.2020
ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
ტერაბანკის ინოვაციური ბოტის საკომუნიკაციო კამპანიამ საერთაშორისო აღიარება მოიპოვა
ჰიუნდაი ავტო საქართველომ სონატას ახალი მე-8 თაობის მოდელი წარადგინა
სასტუმრო „ბილტმორ თბილისის“ სპა ცენტრი განახლებული შეთავაზებებით ჩვეულ რეჟიმს უბრუნდება