ირაკლი კობახიძე  რუსეთის, ცენტრალური აზიისა და აღმოსავლეთ პარტნიორობის ქვეყნების საკითხებში გერმანიის ფედერალური მთავრობის კოორდინატორს შეხვდა

საქართველოს პარლამენტის თავმჯდომარე ირაკლი კობახიძე გერმანიის ბუნდესტაგის წევრს, რუსეთის, ცენტრალური აზიისა და აღმოსავლეთ პარტნიორობის ქვეყნების საკითხებში გერმანიის ფედერალური მთავრობის კოორდინატორს, დირკ ვიზეს შეხვდა.

პარლამენტის პრესსამსახურის ინფორმაციით, მხარეებმა ორმხრივი ურთიერთობები მომოიხილეს და საქართველოს პარლამენტის დღის წესრიგის შესახებ იმსჯელეს. ყურადღება გამახვილდა მართლმსაჯულების რეფორმის მეოთხე ტალღასა და დეცენტრალიზაციის რეფორმაზე, ასევე, საქართველოს პარლამენტის ახალ რეგლამენტზე. ხაზი გაესვა იმ პროგრესს, რომელსაც ჩვენმა ქვეყანამ ადამიანის უფლებების დაცვის მიმართულებით მიაღწია.

მათივე ცნობით, მხარეებმა „აღმოსავლეთ პარტნიორობის“ სამომავლო გეგმები და პერსპექტივები მიმოიხილეს, ასევე, იმსჯელეს იმ მოლოდინებზე, რომლებიც ჩვენს ქვეყანას აღნიშნულ ფორმატთან დაკავშირებით აქვს.

„საუბარი შეეხო „აღმოსავლეთ პარტნიორობის“ ქვეყნებთან მჭიდრო თანამშრომლობის მნიშვნელობასა და აღნიშნული ფორმატის ქვეყნების ევროპულ პერსპექტივას.

მხარეებმა იმსჯელეს საქართველოს წინაშე არსებულ გამოწვევებზე და ამ კონტექსტში , ყურადღება ეკონომიკის განვითარებაზე გაამახვილეს. მათი შეფასებით, მნიშვნელოვანია, რომ „აღმოსავლეთ პარტნიორობის“ ფარგლებში, გააქტიურდეს ეკონომიკური თანამშრომლობის პროექტები. ასევე, ხაზი გაესვა განათლების სფეროს განვითარებისა და სტუდენტური გაცვლითი პროგრამების მნიშვნელობას.

დირკ ვიზეს განცხადებით, ჩვენი ქვეყანა გერმანიისთვის მნიშვნელოვანი პარტნიორია. მისივე შეფასებით, საქართველო აღმოსავლეთ პარტნიორობის ლიდერი ქვეყანაა. ბუნდესტაგის წევრმა ასევე აღნიშნა, რომ საქართველოს ცნობადობა და პოპულარობა გერმანიაში მნიშვნელოვნად გაზარდა ფრანკფურტის წიგნის ბაზრობამ, სადაც, მისივე თქმით, ჩვენმა ქვეყანამ ღირსეულად წარადგინა თავი“, - აღნიშნულია პარლამენტის პრესსამსახურის მიერ გავრცელებულ ინფორმაციაში.

შეხვედრას ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძე, იურიდიულ საკითხთა კომიტეტის თავმჯდომარე ანრი ოხანაშვილი და პარლამენტის თავმჯდომარის კაბინეტის უფროსი, ნიკოლოზ სამხარაძე ესწრებოდნენ.

ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
ქართული პრესის მიმოხილვა 06.07.2020
ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა