ყველა შემთხვევა იქნება დეტალურად გამოძიებული, - ამის შესახებ ჟურნალისტებს შინაგან საქმეთა მინისტრმა გიორგი გახარიამ ზუგდიდში, სანდრა რულოვსსა და პარტიის სხვა წევრებზე „ქართული ოცნების“ წარმომადგენლების თავდასხმის შესახებ ინფორმაციის კომენტირებისას განუცხადა.
მისი თქმით, ყველა შემთხვევა იქნება დეტალურად გამოძიებული და შსს-სთვის არ აქვს მნიშვნელობა, რომელი მხარე იქნება დამნაშავედ წარმოდგენილი.
„წინა არჩევნები შეფასებული იყო საერთაშორისო ორგანიზაციების მხრიდან, როგორც ძალადობისგან ყველაზე სუფთა და თავისუფალი არჩევნები. სწორედ ამიტომ, კიდევ ერთხელ ვიმეორებ, ყველა ექსცესი იქნება დეტალურად გამოძიებული და არ აქვს მნიშვნელობა რომელი მხარე იქნება დამნაშავე, მიეცემა პასუხისმგებლობაში“,- განაცხადა გიორგი გახარიამ.