არასაპარლამენტო პარტიები, პარლამენტის დამოუკიდებელი დეპუტატები და ექსპერტები საარჩევნო რეფორმას განიხილავენ, - ამის შესახებ „ინტერპრესნიუსს“ პარტია „თავისუფალი საქართველოს“ პრესსამსახურიდან აცნობეს. მათი ინფორმაციით, კონფერენცია პარტია „თავისუფალი საქართველოს“ ორგანიზებით იმართება.

ღონისძიების დღის წესრიგშია ოპოზიციის ინტერპარტიული ჯგუფის წინადადებები და საარჩევნო გარემოს რეფორმასთან დაკავშირებით, ეუთო-ს რეკომენდაციები.

როგორც პარტია „თავისუფალი საქართველოს“ ლიდერმა კახა კუკავამ განაცხადა, დისკუსიის შედეგების მიხედვით მომზადდება რეკომენდაციების ერთიანი პაკეტი, რომელიც დამატებითი კონსულტაციების შემდეგ, კანონპროექტის სახით ჩამოყალიბდება.